88 jyl būryn 28 qaraşada aqyn, Qazaqstan Memlekettık änūranynyŋ (mätını) avtory, Qazaqstan Jastar odaǧy syilyǧynyŋ iegerı Jūmeken Sabyrūly Näjımedenov Atyrau oblysy, Qūrmanǧazy audanynda düniege keldı.
Aqyn 1963 jyly Moskvada ötken Jas jazuşylardyŋ IV konferensiiasyna delegat bolyp qatysyp, 1967 jyly Ūly Otan soǧysyndaǧy qasırettı jyrlaǧan «Joq, ūmytuǧa bolmaidy!» degen dastandar jinaǧy üşın Qazaqstan Lenin komsomoly syilyǧynyŋ laureaty atandy. Jūmeken Näjımedenov – 2006 jyly qabyldanǧan Qazaqstan Respublikasynyŋ Änūrany avtorlarynyŋ bırı. «Menıŋ Qazaqstanym» änı onyŋ şyǧarmaşylyq jolynyŋ basynda, aqynnyŋ 21 jasynda jazylǧan.
«Ol uaqytta qazaqtyŋ keŋ dalasyn Reseige bölıp bermekşı bolyp jatty ǧoi. Aqynnyŋ qaruy – qalam. Sol kezde qalamymen bıldırgen qarsylyǧy osy sözı boldy. «Menıŋ elım, menıŋ jerım, qazaǧym», dep jyrlady. Alaida, mūny Ortalyq komitet efirge şyǧarmady. Äuenı ūnady, tek sözın özgert deptı. «Sen nege «Menıŋ elım, menıŋ jerım, qazaǧym» deisıŋ? Olai bolmaidy, partiiany qos deidı. Sodan amal joq, partiiany qosqan jerlerı bar edı. Qanşa özgertılgenımen, keiın Jamal Omarova oryndaǧan alǧaşqy nūsqasy 1959 jyly qaraşa aiynda efirge şyqty»,- deidı aqynnyŋ jary Näsıp Mūstaqyzy.
1983 jyly aqyn 47 jasynda ömırden öttı. 2010 jyly «Menıŋ Qazaqstanym» atty jyr jinaǧy üşın Jūmeken Näjımedenovke Qazaqstan Respublikasynyŋ Memlekettık syilyǧy (qaitys bolǧannan keiın) berıldı.
«Adyrna» ūlttyq portaly
Ūqsas jaŋalyqtar
