قازاقستاننىڭ حالىق ءارتىسى تۇڭعىشباي جامانقۇلوۆ كسرو جانە قازاقستاننىڭ حالىق ءارتىسى ءاسانالى ءاشىموۆتىڭ قازاسى تۋرالى جانتەبىرەنتەرلىك جازبا ارنادى، دەپ حابارلايدى "ادىرنا".
«اسقار تاۋىمىز ەدىڭ — الاسارمادىڭ… اسپانعا كەتتىڭ… ءماديىڭدى ويلاپ مۇڭ بايلادىڭ… ساعيىڭدى ساعىنىپ سال شەكپەن جامىلدىڭ… قاتارىڭنان جالعىز ەدىڭ — سوڭدارىنان كەتتىڭ… قاتارىمنان جالعىزبىن — ارتتارىندا قالدىم…. اعالىق جاساپ ارقامنان قاقپادىڭ — الجۋازدىقتان ساقتادىڭ…كوكەم بولىپ، كوڭىلىمدى وسىرمەدىڭ — كىشىلىگىم كەم بوپ جاقپادىم… جەرلەس رەتىندە جىعىلعانىمدا جەبەمەدىڭ — ءوز كۇشىمە سەندىردىڭ… سۇيەنىش بولمادىڭ — جانسىرىلىككە ۇيرەتتىڭ… تىرەگىم بولمادىڭ — تابانىم تايماستاي تاعالادىڭ… بەلىمدى بۋمادىڭ — بەكەمدىككە باۋلىدىڭ… الدىمدا ءجۇرىپ، ادىمىمدى ۇزارتتىڭ… سوڭىڭدا قالدىرمادىڭ — ىزىڭدە جۇرگەنىمدى سەزدىڭ… قاتارىمدى تەپتىڭ… تىزەڭدى باتىردىڭ — مەن كەشتىم… بيىكتىگىڭە پاراپار، پەندەلىگىڭدى كوردىم — ءوزىڭ دە كەش… وكپەگە قيسام دا، ولىمگە قيمادىم… سارىۋايىم — ساعىنىشقا اينالدىڭ… قوش… باقۇل بول…»، دەپ جازدى ول.
