تاجىكستاننىڭ ۇلتتىق عىلىم اكادەمياسى (ۇعا) رەسەي ۇلتتىق عىلىمي ورتالىعى “كۋرچاتوۆ ينستيتۋتىمەن” بىرلەسە وتىرىپ، «ارگۋس» عىلىمي-زەرتتەۋ رەاكتورىنىڭ جۇمىسىن قالپىنا كەلتىرۋدى جوسپارلاپ وتىر. بۇل تاجىكستان پرەزيدەنتى ەمومالي راحموننىڭ ماسكەۋگە ساپارى بارىسىندا ۇعا مەن عىلىمي ورتالىق اراسىندا جاسالعان كەلىسىمدە قاراستىرىلعان، دەپ حابارلايدى “ادىرنا” ۇلتتىق پورتالى.
«قول قويىلعان قۇجاتقا سايكەس، تاراپتار تابيعات، يادرولىق فيزيكا جانە يادرولىق تەحنولوگيالار بويىنشا زەرتتەۋلەر جۇرگىزۋگە كەلىستى. ولار تەك بەيبىت ماقساتتا، سونىڭ ىشىندە ارگۋس-فتي عىلىمي-زەرتتەۋ رەاكتورىن قالپىنا كەلتىرۋ ءۇشىن پايدالانىلادى»، - دەپ حابارلادى تاجىكستاننىڭ حوۆار اگەنتتىگى NAS-قا سىلتەمە جاساپ.
كەلىسىمدە عىلىمي كونفەرەنتسيالار مەن باسقا دا شارالاردى وتكىزۋ دە قاراستىرىلعانى اتاپ ءوتىلدى. قۇجات ودان ءارى ۇزارتۋ مۇمكىندىگىمەن بەس جىلعا دەيىنگى مەرزىمگە جاسالادى.
