قورعانىس ءمينيسترى رۋسلان جاقسىلىقوۆ قازاقستان مەن رەسەيدىڭ جاڭا اسكەري كەلىسىمدەرگە قول قويمايتىنىن مالىمدەدى، دەپ حابارلايدى “ادىرنا” ءتىلشىسى.
ءمينيستردىڭ ايتۋىنشا، قاجەتتى قۇجاتتاردىڭ بارلىعىنا قول قويىلعان.
"اسكەر سەرىكتەستىك بويىنشا بارلىق سۇراقتار شەشىمىن تاپقان", - دەدى رۋسلان جاقسىلىقوۆ.
ودان بولەك، مينيستر ۇقشۇ اياسىندا مەملەكەتتەر اراسىندا ەشقانداي ماسەلە تۋىنداماعانىن ايتتى.
"ەشقانداي داعدارىس جوق. ءبىزدىڭ مەملەكەتتىڭ قاتۋىس بويىنشا بارلىعى تۇراقتى. قازاقستان رەسپۋبليكاسى ءوز مىندەتتەمەسىن، جۇمىس جوسپارىن ورىنداپ جاتىر. سوندىقتان قانداي دا ءبىر دۇرلىگۋ نەمەسە ماسەلە تۋرالى ايتۋدىڭ ءمانى جوق. ءبىزدىڭ مەملەكەتىمىز بەن زاڭ نورماسىنا ارقا سۇيەيىك، بىزدە بارلىعى تۇراقتى، بەكىتىلگەن نورمالاردى ورىنداۋدامىز", - دەدى ول.
ەسكە سالايىق، ارمەنيا قىرعىزستان 2022 جىلى ۇقشۇ وقۋ-جاتتىعۋلارىن وتكىزبەيتىنىن مالىمدەگەن ەدى. ال ەرتەڭ ەلىمىزگە رەسەي فەدەراتسياسىنىڭ پرەزيدەنتى ۆلاديمير پۋتين كەلەدى دەپ كۇتىلۋدە.
