اۋىر سىرقاتقا شالدىققان قىرعىزستاندىقتار زەينەتاقى جيناعىن مەرزىمىنەن بۇرىن الا الادى. بۇل تۋرالى ەلدىڭ الەۋمەتتىك قورى مالىمدەدى، دەپ حابارلايدى ”ادىرنا” ۇلتتىق پورتالى 24.kg سايتىنا سىلتەپ.
بۇل مۇمكىندىكتى مىناداي دياگنوزى بار ادامدار پايدالانا الادى:
- ىسىك ءتۇيىنى مەتاستازالارىنىڭ حالىقارالىق جىكتەلۋىنە سايكەس II, III, IV ساتىداعى ىسىكتىڭ بارلىق قاتەرلى تۇرلەرى، 2-ءشى كلينيكالىق توپ.
- قان اۋرۋلارى: لەيكوز (بارلىق تۇرلەرى), اپلاستيكالىق انەميا، گەموفيليا.
- قان اينالىمى جۇيەسىنىڭ اۋرۋلارى: جۇرە پايدا بولعان نەمەسە تۋابىتكەن جۇرەك اقاۋلارى، جۇرەك ىرعاعىنىڭ بۇزىلۋى، جۇرەكتىڭ سوزىلمالى يشەميالىق اۋرۋى: ونىڭ ىشىندە سوزىلمالى انەۆريزماسى بار كورونارلىق انگيوپلاستيكا جانە كورونارلىق شۋنتتاۋ حيرۋرگياسى، جۇرەك جەتكىلىكسىزدىگى، حيرۋرگيالىق ارالاسۋدى قاجەت ەتەتىن كۇرە تامىرلاردىڭ زاقىمدانۋى مەن ارتەريالىق اۋرۋلار، ەندارتەريتتى وبليتەراتسيالايتىن كۇردەلى فورمالار.
مىندەتتى قارجىلاندىرۋ ەلەمەنتى قىرعىزستاننىڭ زەينەتاقى جۇيەسىنە 2010 جىلى ەنگىزىلگەن.
زەينەتاقىنىڭ جيناقتالاتىن بولىگى ساقتاندىرىلعان ادامنىڭ مەملەكەتتىك جيناقتاۋشى زەينەتاقى قورىنا (بجزق) جۇمىس بەرۋشى ەسەپتەگەن تابىسىنىڭ 2 پايىزى مولشەرىندە تولەيتىن مىندەتتى ساقتاندىرۋ جارنالارى ەسەبىنەن تولەنەدى.
ايتا كەتەيىك، 2021 جىلدان بەرى قازاقستان ازاماتتارى بىرىڭعاي جيناقتاۋشى زەينەتاقى قورىنداعى سالىم مولشەرى "جەتكىلىكتى شەكتەن" اسقان جاعدايدا ونىڭ ءبىر بولىگىن الىپ كەلەدى. 2023 جىلدىڭ 1 قاڭتارىنان باستاپ بەلگىلەنگەن كەستە بويىنشا مىندەتتى زەينەتاقى جارنالارى جانە مىندەتتى كاسىپتىك زەينەتاقى جارنالارى ەسەبىنەن بجزق-دان زەينەتاقى تولەمدەرىن 61 جاسقا تولعان ايەلدەر، 63 جاسقا تولعان ەر ادامدار جانە مۇگەدەكتىگى مەرزىمسىز بولىپ بەلگىلەنگەن ءى نەمەسە ءىى توپتاعى مۇگەدەكتىگى بار ادامدار الا الادى.
