Aýyr syrqatqa shaldyqqan qyrǵyzstandyqtar zeınetaqy jınaǵyn merziminen buryn ala alady. Bul týraly eldiń Áleýmettik qory málimdedi, dep habarlaıdy ”Adyrna” ulttyq portaly 24.kg saıtyna siltep.
Bul múmkindikti mynadaı dıagnozy bar adamdar paıdalana alady:
- Isik túıini metastazalarynyń halyqaralyq jiktelýine sáıkes II, III, IV satydaǵy isiktiń barlyq qaterli túrleri, 2-shi klınıkalyq top.
- qan aýrýlary: leıkoz (barlyq túrleri), aplastıkalyq anemııa, gemofılııa.
- qan aınalymy júıesiniń aýrýlary: júre paıda bolǵan nemese týabitken júrek aqaýlary, júrek yrǵaǵynyń buzylýy, júrektiń sozylmaly ıshemııalyq aýrýy: onyń ishinde sozylmaly anevrızmasy bar koronarlyq angıoplastıka jáne koronarlyq shýnttaý hırýrgııasy, júrek jetkiliksizdigi, hırýrgııalyq aralasýdy qajet etetin kúre tamyrlardyń zaqymdanýy men arterııalyq aýrýlar, endarterıtti oblıteraııalaıtyn kúrdeli formalar.
Mindetti qarjylandyrý elementi Qyrǵyzstannyń zeınetaqy júıesine 2010 jyly engizilgen.
Zeınetaqynyń jınaqtalatyn bóligi saqtandyrylǵan adamnyń Memlekettik jınaqtaýshy zeınetaqy qoryna (BJZQ) jumys berýshi eseptegen tabysynyń 2 paıyzy mólsherinde tóleıtin mindetti saqtandyrý jarnalary esebinen tólenedi.
Aıta keteıik, 2021 jyldan beri Qazaqstan azamattary Biryńǵaı jınaqtaýshy zeınetaqy qoryndaǵy salym mólsheri "jetkilikti shekten" asqan jaǵdaıda onyń bir bóligin alyp keledi. 2023 jyldyń 1 qańtarynan bastap belgilengen keste boıynsha mindetti zeınetaqy jarnalary jáne mindetti kásiptik zeınetaqy jarnalary esebinen BJZQ-dan zeınetaqy tólemderin 61 jasqa tolǵan áıelder, 63 jasqa tolǵan er adamdar jáne múgedektigi merzimsiz bolyp belgilengen I nemese II toptaǵy múgedektigi bar adamdar ala alady.
