قر فۋتبول فەدەراتسياسى ۇلتتىق قۇراماسىنىڭ باس باپكەرى ماگومەد اديەۆكە ەۋرو-2024 چەمپيوناتىنىڭ ىرىكتەۋ كەزەڭىنە قاتىسقانى ءۇشىن اۆتوكولىك سىيلادى، دەپ حابارلايدى "ادىرنا" ءتىلشىسى.
ۇلتتىق قۇراما سلوۆەنيا سپورتشىلارىمەن قارسى ويىندا جەڭىلىپ، قۇرلىقتىق تۋرنيرگە تىكەلەي جولداما الماعان بولاتىن.
دەگەنمەن قفف پرەزيدەنتى ادىلەت بارمانقۇلوۆ باس باپكەرگە فەدەراتسيا اتىنان كولىك سىيلادى. بۇل تۋرالى باپكەر Istagram پاراقشاسىندا جازدى.
"مەن بۇل سىيلىققا لايىقسىز دەپ سانايمىن، ويتكەنى مەنىڭ ويىمشا، جاتتىقتىرۋشى جانە كوماندا رەتىندە ءبىز جانكۇيەرلەر الدىندا قالاعان ناتيجەگە قول جەتكىزە المادىق. مەن جانە مەنىڭ ارىپتەستەرىم ماقساتىمىزعا جەتۋ جانە فۋتبولدان ەۋروپا چەمپيوناتىنا قاتىسۋ ءۇشىن قولدان كەلگەننىڭ ءبارىن جاسايمىز. ءبىز كوپ جۇمىس كۇتىپ تۇرعانىن تۇسىنەمىز. مەن بۇل سىيلىقتى قاتتى باعالايمىن جانە بۇل مەن ءۇشىن موتيۆاتسيانىڭ قاينار كوزى عانا ەمەس، سونىمەن قاتار ءبىزدىڭ ەلىمىز بەن ونىڭ حالقى الدىنداعى مىندەتىمىزدى ەسكە سالادى. بىزگە سەنگەنىڭىز جانە قولداعانىڭىز ءۇشىن بارلىعىڭىزعا راحمەت!", - دەپ جازدى ماگومەد اديەۆ.
