قازاقستان قۇراماسىنىڭ سپورتشىلارى نىسانا كوزدەۋدەن يندونەزيانىڭ دجاكارتا قالاسىندا ءوتىپ جاتقان ازيا چەمپيوناتىندا تاعى 4 جۇلدەگە يە بولدى، دەپ حابارلايدى "ادىرنا" ءتىلشىسى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەپ وتىرىپ.
ۆينتوۆكامەن 50 مەتردەن جاتىپ وق اتۋدا سپورتشى ارينا التۋحوۆا 626,8 ۇپاي جيناپ، چەمپيون اتاندى. ال الەكساندرا لە 618,4 ۇپايمەن ءۇشىنشى ورىنعا يە بولدى.
ۇلتتىق قۇرامانىڭ تاعى ءبىر سپورتشىسى ەليزاۆەتا بەزرۋكوۆا 617,2 ۇپايدى ەنشىلەپ، ءتورتىنشى ساتىدان كورىندى.
ناتيجەسىندە كوماندالىق سىندا قازاقستان التىن جۇلدەنى جەڭىپ الدى. ال تاپانشامەن 25 مەتردەن نىسانا كوزدەۋدە نيكيتا چيريۋكين 568 ۇپايمەن ۇزدىك ۇشتىكتى تۇيىندەدى.
قازىر جالپى ەسەپتە قازاقستان قۇراماسى 3 التىن، 1 كۇمىس، 2 قولا مەدالمەن ءتورتىنشى ورىندا كەلە جاتىر. قۇرلىق چەمپيوناتى 18 قاڭتار كۇنى اياقتالادى.
