اۋىر اتلەتيكادان قازاقستان قۇراماسىنىڭ بۇرىنعى باس باپكەرى ءومىر بويىنا سپورت الەمىنەن شەتتەتىلمەك، دەپ حابارلايدى “ادىرنا” ۇلتتىق پورتالى.
بۇرىنعى باس باپكەر الەكسەي ءنيدىڭ كەزىندە قازاقستان دوپينگ سىناماسىن قايتا تەكسەرىپ، وليمپيادانىڭ 5 التىنىنان ايىرىلعان بولاتىن.
قازاقستان اۋىر اتلەتيكا فەدەراتسياسىنىڭ حابارلاۋىنشا، ني قازىر سپورتتان ۋاقىتشا شەتتەتىلگەن.
"63 جاستاعى مامان ۋاقىتقا سپورتتان شەتتەتىلگەن. 2017 جىلى حوك جانىنان قۇرىلعان حالىقارالىق تەستىلەۋ اگەنتتىگى تارازدىق ازاماتتى ءومىر بويىنا ديسكۆاليفيتسيروۆات تۋرالى رەسمي حابارلاما جىبەرگەن. وسى اتىشۋلى ءىس بويىنشا ITA تەرگەۋى قازىر اياقتالۋعا جاقىن", – دەپ حابارلادى قازاقستان رەسپۋبليكاسىنىڭ اۋىر اتلەتيكا فەدەراتسياسىنىڭ ءباسپاسوز قىزمەتى.
ۇلتتىق قۇرامانىڭ اعا جاتتىقتىرۋشىسى بولىپ جۇمىس ىستەگەن باس باپكەردىڭ اعاسى ۆيكتور ني دە جازاعا تارتىلماق. ۆيكتور ني 4 جىلعا ۋاقىتشا ديسكۆاليفيكاتسيالانعان.
