ءمادينا ابىلقاسىموۆا دوللاردىڭ نەگە قىمباتتاپ جاتقانىن ءتۇسىندىردى

 سوڭعى كۇندەرى دوللار باعامىنىڭ ءوسۋى الەمدىك نارىقتاعى مۇناي باعاسىمەن بايلانىستى. بۇل تۋرالى ۇلتتىق بانك توراعاسىنىڭ ورىنباسارى ءمادينا ابىلقاسىموۆا ايتتى، دەپ حابارلايدى Sputnik قازاقستانءتىلشىسى.

ونىڭ ايتۋىنشا، ۇلتتىق بانك 3 ماۋسىمدا كەزەكتى بولجامدىق راۋند وتكىزىپ، بازالىق مولشەرلەمەنى سول كۇيىندە – 9% دەڭگەيىندە قالدىرعان.

"قازىر تەڭگەنىڭ ەركىن ايىرباس باعامى رەجيمى اياسىندا ۆاليۋتانىڭ وزگەرىسى بولىپ جاتىر. بۇل، ەڭ الدىمەن، مۇناي باعاسىنا بايلانىستى. الەمنىڭ ءىرى ەكونوميكالارى اراسىنداعى ساۋدا تەكەتىرەسىنىڭ كۇشەيۋىنەن الەمدىك نارىقتاردا Brent ماركالى مۇنايدىڭ باعاسى تۇسكەنىن كورىپ وتىرمىز. تيىسىنشە، بۇل دامىپ جاتقان نارىقتاردىڭ ۆاليۋتالارىنا اسەر ەتىپ جاتىر", - دەدى ول ءماجىلىس كۋلۋارىندا.

وسى ورايدا باق وكىلدەرى ابىلقاسىموۆادان ەلدە كەزەكتى دەۆالۆاتسيا بولا ما دەپ سۇرادى. ول تەڭگە باعامى ايتارلىقتاي قۇبىلسا، ۇلتتىق بانك ءتيىستى شارالار قابىلدايتىنىنا سەندىردى.

"ايىرباس باعامى ايتارلىقتاي قۇبىلعان جاعدايدا ۇلتتىق بانك ۆاليۋتالىق ينتەرۆەنتسيا جۇرگىزۋگە قۇقىلى. ءبىز جاعدايدى مۇقيات باقىلاپ وتىرمىز", - دەدى ول.

ايتا كەتسەك، قازىر ۆاليۋتا ايىرباستاۋ پۋنكتەرىندە ءبىر دوللار 384-386 تەڭگەگە ساتىلىپ جاتىر.