Ulttyq bank tóraǵasynyń orynbasary elde kezekti devalvaııa bola ma degen suraqqa jaýap berdi
Sońǵy kúnderi dollar baǵamynyń ósýi álemdik naryqtaǵy munaı baǵasymen baılanysty. Bul týraly ulttyq bank tóraǵasynyń orynbasary Mádına Ábilqasymova aıtty, dep habarlaıdy Sputnik Qazaqstantilshisi.
Onyń aıtýynsha, ulttyq bank 3 maýsymda kezekti boljamdyq raýnd ótkizip, bazalyq mólsherlemeni sol kúıinde – 9% deńgeıinde qaldyrǵan.
"Qazir teńgeniń erkin aıyrbas baǵamy rejımi aıasynda valıýtanyń ózgerisi bolyp jatyr. Bul, eń aldymen, munaı baǵasyna baılanysty. Álemniń iri ekonomıkalary arasyndaǵy saýda teketiresiniń kúsheıýinen álemdik naryqtarda Brent markaly munaıdyń baǵasy túskenin kórip otyrmyz. Tıisinshe, bul damyp jatqan naryqtardyń valıýtalaryna áser etip jatyr", - dedi ol májilis kýlýarynda.
Osy oraıda BAQ ókilderi Ábilqasymovadan elde kezekti devalvaııa bola ma dep surady. Ol teńge baǵamy aıtarlyqtaı qubylsa, ulttyq bank tıisti sharalar qabyldaıtynyna sendirdi.
"Aıyrbas baǵamy aıtarlyqtaı qubylǵan jaǵdaıda ulttyq bank valıýtalyq ıntervenııa júrgizýge quqyly. Biz jaǵdaıdy muqııat baqylap otyrmyz", - dedi ol.
Aıta ketsek, qazir valıýta aıyrbastaý pýnkterinde bir dollar 384-386 teńgege satylyp jatyr.
Sputnik.
