قورعانىس مينيسترلىگى الەۋمەتتىك جەلىدە تاراعان قازاقستان ارمەنياعا قارۋ-جاراق جەتكىزىپ بەرمەكشى دەگەن حابارلاماعا تۇسىنىكتەمە بەردى، - دەپ جازادى StopFake.kz سايتى. بۇل تۋرالى «ادىرنا» ۇلتتىق پورتالى حابارلايدى.
الەۋمەتتىك جەلىلەر مەن ۆەب-سايتتاردا قازاقستاننىڭ ارمەنياعا اسكەري تەحنيكا جەتكىزگەنى تۋرالى حابارلامالار تارالۋدا. بۇل اقپاراتتى قورعانىس مينيسترلىگى جوققا شىعاردى.
«ارمەنيا رەسپۋبليكاسىنا قازاقستاندىق قارۋ-جاراق جەتكىزىلدى دەگەن بولجامدى اقپارات شىندىققا سايكەس كەلمەيدى. سونداي-اق 2022 جىلدان باستاپ قازاقستاندا قارۋ-جاراق پەن اسكەري تەحنيكانى ەكسپورتتاۋعا تىيىم سالىندى. وسىعان بايلانىستى بىز ازاماتتار مەن باق وكىلدەرىن تارالىپ جاتقان قاۋەسەتتەرگە سەنبەي، تەك رەسمي اقپارات كوزدەرىنە سەنۋىن سۇرايمىز»، - دەلىنگەن قورعانىس مينيسترلىگىنىڭ رەسمي مالىمدەمەسىندە.
«ادىرنا» ۇلتتىق پورتالى
ۇقساس جاڭالىقتار
