Qorǵanys mınıstrligi áleýmettik jelide taraǵan Qazaqstan Armenııaǵa qarý-jaraq jetkizip bermekshi degen habarlamaǵa túsinikteme berdi, - dep jazady StopFake.kz saıty. Bul týraly «Adyrna» ulttyq portaly habarlaıdy.
Áleýmettik jeliler men veb-saıttarda Qazaqstannyń Armenııaǵa áskerı tehnıka jetkizgeni týraly habarlamalar taralýda. Bul aqparatty Qorǵanys mınıstrligi joqqa shyǵardy.
«Armenııa Respýblıkasyna qazaqstandyq qarý-jaraq jetkizildi degen boljamdy aqparat shyndyqqa sáıkes kelmeıdi. Sondaı-aq 2022 jyldan bastap Qazaqstanda qarý-jaraq pen áskerı tehnıkany eksporttaýǵa tyıym salyndy. Osyǵan baılanysty biz azamattar men BAQ ókilderin taralyp jatqan qaýesetterge senbeı, tek resmı aqparat kózderine senýin suraımyz», - delingen Qorǵanys mınıstrliginiń resmı málimdemesinde.
«Adyrna» ulttyq portaly
