الماتىدا «مىرجاقىپ. ويان، قازاق» كينوتۋىندىسىنىڭ رەجيسسەرى مۇرات ەسجانمەن كەزدەسۋ ءوتتى، دەپ حابارلايدى “ادىرنا” ۇلتتىق پورتالى.
اتالمىش شارا رەجيسەردىڭ ءوزى وقىعان التىن ۇيا مەكتەبىندە ۇيىمداستىرىلدى. مۇرات ەسجان مەكتەپتە وقىعان جىلدار تۋرالى ەستەلىك ايتىپ، قىزىقتى جايتتارعا توقتالدى. ۇلاعاتتى ۇستازدارى جايلى سىر شەرتىپ، ۇشقان ۇيانىڭ بولاشاق ومىرىنە تيگىزگەن اسەرىمەن ءبولىستى.
مەتسەنات ءارى وسى مەكتەپتىڭ تۇلەگى دۋلات تاستەكەي «ۇشقان ۇيا» تۇلەكتەر قاۋىمداستىعىنىڭ اتىنان بەلگىلى رەجيسسەر مۇرات ەسجانعا ات مىنگىزىپ، قۇرمەت كورسەتتى.
«مۇرات ەسجان مەكتەپكە دەگەن ساعىنىشىن، جىلۋىن، قۇرمەتىن اياپ جاتقان جوق. بۇل وسىندا وتىرعان كەيىنگى بۋىنعا ۇلگى بولارلىق ءىس ەكەنى انىق. سوندىقتان قازاقي سالتتان ايتىماي ارتىمىزدان ەرگەن ىنىگە اقبوز ات مىنگىزۋ پارىزىمىز»، – دەدى دۋلات تۇرسىنۇلى.
مۇرات ەسجاننىڭ «ويان قازاق» تۋىندىسى قالىڭ قازاققا ۇناعان، رۋحىن كوتەرىپ، نامىسىن قايراعانى اقيقات. ماراپاتتاۋ ءراسىمى دۋلات تاستەكەي مەن مۇرات ەسجان وقىعان اباي اتىنداعى رممي شاڭىراعىندا ءوتتى. نەگىزگى شارا رەسجيسسەردىڭ جاستارمەن كەزدەسۋىنە ارنالدى.
