Belgılı mesenat Dulat Tastekei rejisser Mūrat Esjanǧa at mıngızdı

Almatyda «Mırjaqyp. Oian, Qazaq» kinotuyndysynyŋ rejisserı Mūrat Esjanmen kezdesu öttı, dep habarlaidy “Adyrna” ūlttyq portaly. Atalmyş şara rejiserdıŋ özı oqyǧan altyn ūia mektebınde ūiymdastyryldy. Mūrat Esjan mektepte oqyǧan jyldar turaly estelık aityp, qyzyqty jaittarǧa toqtaldy. Ūlaǧatty ūstazdary jaily syr şertıp,  ūşqan ūianyŋ bolaşaq ömırıne tigızgen äserımen bölıstı. Mesenat ärı osy mekteptıŋ tülegı Dulat Tastekei «Ūşqan ūia» tülekter qauymdastyǧynyŋ atynan belgılı rejisser Mūrat Esjanǧa at mıngızıp, qūrmet körsettı.    «Mūrat Esjan mektepke degen saǧynyşyn, jyluyn, qūrmetın aiap jatqan joq. Būl osynda otyrǧan keiıngı buynǧa ülgı bolarlyq ıs ekenı anyq. Sondyqtan qazaqi salttan aitymai artymyzdan ergen ınıge aqboz at mıngızu paryzymyz», – dedı Dulat Tūrsynūly.    Mūrat Esjannyŋ «Oian Qazaq» tuyndysy qalyŋ qazaqqa ūnaǧan, ruhyn köterıp, namysyn qairaǧany aqiqat. Marapattau räsımı Dulat Tastekei men Mūrat Esjan oqyǧan Abai atyndaǧy RMMİ şaŋyraǧynda öttı. Negızgı şara resjisserdıŋ jastarmen kezdesuıne arnaldy.