وزبەكستاندا وقۋ-جاتتىعۋ كەزىندە اسكەري تىكۇشاق اپاتقا ۇشىرادى. بۇل تۋرالى قازاقپارات اگەنتتىگى جازدى، دەپ حابارلايدى «ادىرنا» ۇلتتىق پورتالى.
وزبەكستان قورعانىس مينيسترلىگىنىڭ مالىمەتى بويىنشا، 17 قاراشادا ساعات 20:15-تە سامارقاند وبلىسىنداعى "كاتتاكۋرگان" پوليگونىندا اۋە شابۋىلىنا قارسى قورعانىس اسكەرلەرى مەن وزبەكستان اسكەري-اۋە كۇشتەرىنىڭ قولباسشىلىعىنا تيەسىلى مي-8 تىكۇشاعى اپاتقا ۇشىرادى.اپات سالدارىنان تىكۇشاق ەكيپاجى قازا تاپتى. قازىرگى ۋاقىتتا ارنايى كوميسسيا اپاتتىڭ سەبەپتەرىن انىقتاۋ ءۇشىن جۇمىس ىستەۋدە. قازا تاپقان اسكەري قىزمەتشىلەردىڭ وتباسى مۇشەلەرى مەن تۋىستارىنا كوڭىل ايتامىز، — دەپ حابارلايدى ۆەدومستۆو.
ۇقساس جاڭالىقتار
