بۇگىن، 25 اقپاندا قاراعاندى وبلىسىندا جوسپارلى وقۋ-جاتتىعۋ ۇشۋلارى بارىسىندا سۋ-30سم جويعىش ۇشاعى اپاتقا ۇشىرادى. بۇل تۋرالى قورعانىس مينيسترلىگى ايتتى، دەپ حابارلايدى «ادىرنا» ءتىلشىسى.
«ۇشاق ەكيپاجى دەر كەزىندە كاتاپۋلت جاسادى. ۇشقىشتار ءدىن امان، ولاردىڭ ءومىرى مەن دەنساۋلىعىنا قاۋىپ جوق. قازىرگى ۋاقىتتا مەديتسينالىق مامانداردىڭ باقىلاۋىندا»،-دەلىنگەن حابارلامادا.
ۇشاق قۇلاعان اۋماق قورشاۋعا الىنعان. تۇرعىندار مەن ينفراقۇرىلىم نىساندارىنا ەش قاۋىپ جوق.
وقيعانىڭ سەبەپتەرى مەن ءمان-جايىن انىقتاۋ ءۇشىن قازاقستان رەسپۋبليكاسى قورعانىس مينيسترلىگىنىڭ ارنايى كوميسسياسى قۇرىلعان. كوميسسيانى ۇشۋ قاۋىپسىزدىگى جونىندەگى دەپارتامەنت باسقارادى. قۇرامىنا اۆياتسيالىق قىزمەتتىڭ ارنايى ماماندارى كىرگەن.
تەرگەۋ قورىتىندىسى بويىنشا قۇقىقتىق باعا بەرىلىپ، پروتسەسسۋالدىق شەشىم قابىلدانادى.
