ەل پرەزيدەنتى قاسىم-جومارت توقاەۆ ساياسي رەفورمالار شەڭبەرىندە پارتيالاردىڭ پارمەندىلىگىن ارتتىرىپ، پارتيا جۇيەسىنىڭ حالىقپەن تىعىز قارىم-قاتىناستا بولۋىنا، سايلاۋشىلارىنىڭ ماسەلەلەرىن شەشۋدە بيلىك پەن بۇقارا اراسىندا التىن كوپىر بولۋى كەرەك دەگەن بولاتىن. وسى مىندەتكە ساي قاراعاندى وبلىسى كولەمىندە قىزمەت اتقارىپ وتىرعان «اق جول» پارتياسىنىڭ جۇمىسى جۇيەلى.
«اق جول» پارتياسىنىڭ ساياسي باعدارلاماسىنىڭ ەكى ەكى باعىتى. ءبىرى – «الاش» پارتياسى قايراتكەرلەرىنىڭ سالىپ كەتكەن جولىمەن ءجۇرىپ، ۋنيتارلىق مەملەكەتتىڭ نەگىزىن نىعايتۋ، مەملەكەتتىك ءتىلدى قولداۋ، ەكونوميقالىق تاۋەلسىزدىكتى كۇشەيتۋ. ەكونوميقامىزدى كۇشەيتۋ، كىشى جانە ورتا كاسىپكەرلىكتى قولداۋمەن، بۇل پارتيامىزدىڭ ەكىنشى ماڭىزدى باعىتى، تىعىز بايلانىستا جاتىر.
«اق جول» پارتياسىنىڭ قاراعاندى فيليالىنىڭ مۇشەلەرى – اقجولشىلار ناقتى ىستەرمەن اينالىسادى، كوپتەگەن ءىس-شارالاردىڭ باسىندا ءجۇر دەپ ايتۋعا تولىق قاقىمىز بار.
ماسەلەن، قاراعاندى قالاسىنىڭ وكتيابر اۋدانىنىڭ اتىنىڭ اۋىسىپ، قالىڭ الاشقا ەرەكشە ورنى بار، ۇلت كوسەمى ءاليحان بوكەيحان اتىنىڭ بەرىلۋى كەزەڭىندە پارتيا فيليالى ەرەكشە بەلسەندىلىك كورسەتتى. جىلدار بويى ايماعىمىزدىڭ اقساقالدارى، سىيلى ازاماتتارى باستاعان بۇل ءىستىڭ سوڭعى نۇكتەسىن قويعان، پرەزيدەنت اتىنا، وبلىس اكىمىنە قوعامنىڭ وتىنىشتەرىن تولاستاماي جەتكىزگەندە قاراعاندى فيليالى ەدى. اۋدان اتىنىڭ ءاليحان بوكەيحان ەسىمىمەن اتالۋىندا
فيليال توراعاسى مەن يديولوگيا جونىندەگى ورىنباسارى بەيبىت كۇلماعامبەت قىرۋار شارۋا اتقاردى. ازاماتتىق قوعام ورناتۋدا، ماڭىزدى ورنى بار ازاماتتارمەن، قالا بەلسەندىلەرىمەن تىعىز بايلانىستى جۇمىستار وسىلاي جۇزەگە اسۋدا.
جاقىن ارادا الاش قايراتكەرى ءاليحان بوكەيحانعا ارنايى قويىلاتىن ەسكەرتكىشتىڭ ۇسىنىلعان ماكەتىنىڭ جەتكىلىكتى دارەجەدە ەمەستىگىن جۇرتشىلىق بىلدىرگەننەن سوڭ، پارتيا كەڭسەسىندە قالا اقساقالدارى مەن بەلسەندى تۇرعىنداردى جيناپ، كونكۋرستىڭ قايتا وتكىزىلۋىنە بايلانىستى ءوتىنىشتى قالا اكىمدىگىنە جەتكىزدىك. كونكۋرس قايتادان وتەتىن بولىپ كەلىسىلدى.
وقۋ جىلى باستالاردا قالا مەشىتى جاماعاتىمەن قوسىلىپ، كوپبالالى جانە تۇرمىسى ناشار وتباسىلارعا ارناپ، مەكتەپكە دايىندىق اكتسياسىن وتكىزدىك. جۇزدەگەن بالاعا كەرەكتى كيىم، باسقا قاجەتتى زاتتار سىيلاندى. پارتيامىزدىڭ باعدارلاماسىندا كورسەتىلگەن كىشى جانە ورتا كاسىپكەرلەرگە، ونىڭ ىشىندە وتاندىق ءونىم وندىرۋشىلەردى قولداۋ جۇمىسىمىزدا ماڭىزدى، كوپتەگەن شارالار وتۋدە. ماسەلەن، اباي قالاسىنداعى تىگىن فابريكاسىنىڭ سۇراقتارىن شەشۋگە كومەكتەستىك.
ءماجىلىس دەپۋتاتى، قازىرگى سپيكەردىڭ ورىنباسارى دانيا ەسپاەەۆا ماسەلەنى قاداعالاپ، ايماعىمىز ءۇشىن ماڭىزدى ءوندىرىستىڭ توقتاماي جۇمىس جاساۋىنا سەپتىگىن تيگىزدى.
«اق جول» پارتياسىنىڭ سارىارقادان باستاۋ العانى بەلگىلى. سوندىقتان فيليالىمىزعا جۇكتەلگەن جاۋاپكەرشىلىك مول ەكەنىن باعامداي وتىرىپ، ناقتى ىستەرىمىزبەن ايماقتار اراسىندا ەرەكشەلەنۋدەمىز.
قاراعاندى پارتيا فيليالىنىڭ ەرەكشەلىگىنىڭ نەگىزىندە پارتيالاستاردىڭ ءبىر جۇدىرىقتاي جۇمىلا جۇمىس اتقارا ءبىلۋى، كۇردەلى ماسەلەلەردى شىنايى وبەكتيۆتى تۇرعىدا شەشىپ، تۇرعىنداردىڭ مۇددەلەرىن قورعاي بىلۋىنەن دە ناقتى كورىنۋدە.
ەرمەك ءابىلدين،
«اق جول» پارتياسى قاراعاندى وبلىستىق فيليالىنىڭ توراعاسى.
