El Prezıdenti Qasym-Jomart Toqaev saıası reformalar sheńberinde partııalardyń pármendiligin arttyryp, partııa júıesiniń halyqpen tyǵyz qarym-qatynasta bolýyna, saılaýshylarynyń máselelerin sheshýde bılik pen buqara arasynda altyn kópir bolýy kerek degen bolatyn. Osy mindetke saı Qaraǵandy oblysy kóleminde qyzmet atqaryp otyrǵan «Aq jol» partııasynyń jumysy júıeli.
«Aq jol» partııasynyń saıası baǵdarlamasynyń eki eki baǵyty. Biri – «Alash» partııasy qaıratkerleriniń salyp ketken jolymen júrip, ýnıtarlyq memlekettiń negizin nyǵaıtý, memlekettik tildi qoldaý, ekonomıqalyq táýelsizdikti kúsheıtý. Ekonomıqamyzdy kúsheıtý, kishi jáne orta kásipkerlikti qoldaýmen, bul partııamyzdyń ekinshi mańyzdy baǵyty, tyǵyz baılanysta jatyr.
«Aq jol» partııasynyń Qaraǵandy fılıalynyń músheleri – aqjolshylar naqty istermen aınalysady, kóptegen is-sharalardyń basynda júr dep aıtýǵa tolyq qaqymyz bar.
Máselen, Qaraǵandy qalasynyń Oktıabr aýdanynyń atynyń aýysyp, qalyń alashqa erekshe orny bar, ult kósemi Álıhan Bókeıhan atynyń berilýi kezeńinde partııa fılıaly erekshe belsendilik kórsetti. Jyldar boıy aımaǵymyzdyń aqsaqaldary, syıly azamattary bastaǵan bul istiń sońǵy núktesin qoıǵan, Prezıdent atyna, oblys ákimine qoǵamnyń ótinishterin tolastamaı jetkizgende Qaraǵandy fılıaly edi. Aýdan atynyń Álıhan Bókeıhan esimimen atalýynda
fılıal tóraǵasy men ıdıologııa jónindegi orynbasary Beıbit Kúlmaǵambet qyrýar sharýa atqardy. Azamattyq qoǵam ornatýda, mańyzdy orny bar azamattarmen, qala belsendilerimen tyǵyz baılanysty jumystar osylaı júzege asýda.
Jaqyn arada Alash qaıratkeri Álıhan Bókeıhanǵa arnaıy qoıylatyn eskertkishtiń usynylǵan maketiniń jetkilikti dárejede emestigin jurtshylyq bildirgennen soń, partııa keńsesinde qala aqsaqaldary men belsendi turǵyndardy jınap, konkýrstyń qaıta ótkizilýine baılanysty ótinishti qala ákimdigine jetkizdik. Konkýrs qaıtadan ótetin bolyp kelisildi.
Oqý jyly bastalarda qala meshiti jamaǵatymen qosylyp, kópbalaly jáne turmysy nashar otbasylarǵa arnap, mektepke daıyndyq akııasyn ótkizdik. Júzdegen balaǵa kerekti kıim, basqa qajetti zattar syılandy. Partııamyzdyń baǵdarlamasynda kórsetilgen kishi jáne orta kásipkerlerge, onyń ishinde otandyq ónim óndirýshilerdi qoldaý jumysymyzda mańyzdy, kóptegen sharalar ótýde. Máselen, Abaı qalasyndaǵy tigin fabrıkasynyń suraqtaryn sheshýge kómektestik.
Májilis depýtaty, qázirgi spıkerdiń orynbasary Danııa Espaeeva máseleni qadaǵalap, aımaǵymyz úshin mańyzdy óndiristiń toqtamaı jumys jasaýyna septigin tıgizdi.
«Aq jol» partııasynyń Saryarqadan bastaý alǵany belgili. Sondyqtan fılıalymyzǵa júktelgen jaýapkershilik mol ekenin baǵamdaı otyryp, naqty isterimizben aımaqtar arasynda erekshelenýdemiz.
Qaraǵandy partııa fılıalynyń ereksheliginiń negizinde partııalastardyń bir judyryqtaı jumyla jumys atqara bilýi, kúrdeli máselelerdi shynaıy obektıvti turǵyda sheship, turǵyndardyń múddelerin qorǵaı bilýinen de naqty kórinýde.
Ermek Ábildın,
«Aq jol» partııasy Qaraǵandy oblystyq fılıalynyń tóraǵasy.
