قازاقستان پرەزيدەنتى قاسىم-جومارت توقاەۆ اباي قۇنانبايۇلىنىڭ 175 جىلدىق مەرەيتويىن مەرەكەلەۋ تۋرالى زاڭعا قول قويدى، - دەپ حابارلايدى Tengrinews.kz ءتىلشىسى اقوردا سايتىنا سىلتەمە جاساپ.
2020 جىلى قازاق حالقىنىڭ ۇلى اقىنى، اعارتۋشىسى اباي قۇنانبايۇلىنىڭ 175 جىلدىق مەرەيتويىن جوعارى ۇيىمداستىرۋشىلىق جانە مازمۇندىق دەڭگەيدە مەرەكەلەۋدى قامتاماسىز ەتۋ ماقساتىندا 2019 جىلعى 1 شىلدەگە دەيىن 2020 جىلى قازاق حالقىنىڭ ۇلى اقىنى، اعارتۋشىسى اباي قۇنانبايۇلىنىڭ 175 جىلدىق مەرەيتويىن (بۇدان ءارى – اباي قۇنانبايۇلىنىڭ 175 جىلدىق مەرەيتويى) دايىنداۋ جانە وتكىزۋ جونىندەگى مەملەكەتتىك كوميسسيا قۇرسىن", - دەلىنگەن جارلىقتا.
پرەزيدەنت 2019 جىلعى 1 قازانعا دەيىن اباي قۇنانبايۇلىنىڭ 175 جىلدىق مەرەيتويىن دايىنداۋ جانە وتكىزۋ جونىندەگى جالپىرەسپۋبليكالىق جوسپاردى بەكىتۋدى تاپسىردى.
سونداي-اق توقاەۆ ۇكىمىندە بىلاي دەلىنگەن:
ابايدىڭ "جيدەباي-ءبورىلى" مەملەكەتتىك تاريحي-مادەني جانە ادەبي-مەموريالدىق قورىق-مۋزەيىن كەشەندى جاڭعىرتۋ جونىندە قاجەتتى شارالار قابىلداسىن; 2020 جىلى نۇر-سۇلتان قالاسىندا اباي قۇنانبايۇلىنىڭ 175 جىلدىق مەرەيتويىنا ارنالعان حالىقارالىق عىلىمي-پراكتيكالىق كونفەرەنتسيا وتكىزسىن; اباي قۇنانبايۇلىنىڭ ەڭبەكتەرىن كەڭ تارالعان نەگىزگى شەت تىلدەرىنە ساپالى اۋدارۋدى جۇزەگە اسىرۋ، باسىپ شىعارۋ جانە حالىقارالىق ىلگەرىلەتۋ جونىندە قاجەتتى شارالار قابىلداسىن; اباي قۇنانبايۇلىنىڭ 175 جىلدىق مەرەيتويىن بىرىككەن ۇلتتاردىڭ ءبىلىم، عىلىم جانە مادەنيەت ماسەلەلەرى جونىندەگى ۇيىمى (يۋنەسكو) مەن حالىقارالىق تۇركى مادەنيەتى ۇيىمى (تۇركسوي) اياسىندا مەرەكەلەۋدى ۇيىمداستىرۋ جونىندەگى ماسەلەنى پىسىقتاسىن; وسى جارلىقتى ىسكە اسىرۋ جونىندە وزگە دە شارالار قابىلداسىن. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلدى. اباي قۇنانباەۆ 1845 جىلى جيدەباي شاتقالىندا (سەمەيدەن 180 شاقىرىم) دۇنيەگە كەلگەن. شىعىس قازاقستان وبلىسىنا بارعان كەزدە قاسىم-جومارت توقاەۆ اباي قۇنانباەۆتىڭ تۋعانىنا 175 جىل مەملەكەتتىك دەڭگەيدە اتاپ وتىلەتىنىنە ۋادە بەردى. ء"بىز تاريحتان ۇلگى الاتىن جانە ۇلى اتا-بابالارىمىزعا قۇرمەت كورسەتەتىن حالىقپىز. ابايدىڭ وتانى الەمنىڭ تۇكپىر-تۇكپىرىنەن تۋريستەردى قارسى الۋعا لايىقتى ءىرى ورتالىققا اينالۋى ءتيىس. بۇل ءبىزدىڭ اتا-بابالارىمىز الدىنداعى بورىشىمىز جانە وسكەلەڭ ۇرپاق ءۇشىن جاقسى ۇلگى", - دەدى ول كەزدە مەملەكەت باسشىسى.
