Qazaqstan Prezıdenti Qasym-Jomart Toqaev Abaı Qunanbaıulynyń 175 jyldyq mereıtoıyn merekeleý týraly zańǵa qol qoıdy, - dep habarlaıdy Tengrinews.kz tilshisi Aqorda saıtyna silteme jasap.
2020 jyly qazaq halqynyń uly aqyny, aǵartýshysy Abaı Qunanbaıulynyń 175 jyldyq mereıtoıyn joǵary uıymdastyrýshylyq jáne mazmundyq deńgeıde merekeleýdi qamtamasyz etý maqsatynda 2019 jylǵy 1 shildege deıin 2020 jyly qazaq halqynyń uly aqyny, aǵartýshysy Abaı Qunanbaıulynyń 175 jyldyq mereıtoıyn (budan ári – Abaı Qunanbaıulynyń 175 jyldyq mereıtoıy) daıyndaý jáne ótkizý jónindegi memlekettik komıssııa qursyn", - delingen jarlyqta.
Prezıdent 2019 jylǵy 1 qazanǵa deıin Abaı Qunanbaıulynyń 175 jyldyq mereıtoıyn daıyndaý jáne ótkizý jónindegi jalpyrespýblıkalyq jospardy bekitýdi tapsyrdy.
Sondaı-aq Toqaev úkiminde bylaı delingen:
Abaıdyń "Jıdebaı-Bórili" memlekettik tarıhı-mádenı jáne ádebı-memorıaldyq qoryq-mýzeıin keshendi jańǵyrtý jóninde qajetti sharalar qabyldasyn; 2020 jyly Nur-Sultan qalasynda Abaı Qunanbaıulynyń 175 jyldyq mereıtoıyna arnalǵan halyqaralyq ǵylymı-praktıkalyq konferenııa ótkizsin; Abaı Qunanbaıulynyń eńbekterin keń taralǵan negizgi shet tilderine sapaly aýdarýdy júzege asyrý, basyp shyǵarý jáne halyqaralyq ilgeriletý jóninde qajetti sharalar qabyldasyn; Abaı Qunanbaıulynyń 175 jyldyq mereıtoıyn Birikken Ulttardyń Bilim, ǵylym jáne mádenıet máseleleri jónindegi uıymy (IýNESKO) men Halyqaralyq túrki mádenıeti uıymy (TÚRKSOI) aıasynda merekeleýdi uıymdastyrý jónindegi máseleni pysyqtasyn; osy Jarlyqty iske asyrý jóninde ózge de sharalar qabyldasyn. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júkteldi. Abaı Qunanbaev 1845 jyly Jıdebaı shatqalynda (Semeıden 180 shaqyrym) dúnıege kelgen. Shyǵys Qazaqstan oblysyna barǵan kezde Qasym-Jomart Toqaev Abaı Qunanbaevtyń týǵanyna 175 jyl memlekettik deńgeıde atap ótiletinine ýáde berdi. "Biz tarıhtan úlgi alatyn jáne uly ata-babalarymyzǵa qurmet kórsetetin halyqpyz. Abaıdyń otany álemniń túkpir-túkpirinen týrısterdi qarsy alýǵa laıyqty iri ortalyqqa aınalýy tıis. Bul bizdiń ata-babalarymyz aldyndaǵy boryshymyz jáne óskeleń urpaq úshin jaqsy úlgi", - dedi ol kezde Memleket basshysy.
