30 مامىردا قاراعاندى وبلىسىنىڭ اتاسۋ اۋىلىندا بەلسەندى عالى باقتىباەۆتى سوڭعى ساپارعا شىعارىپ سالدى. ول 28 مامىرىندا كىسى قولىنان قازا بولعان. باقتىباەۆ 20 جىلداي جاڭاارقا اۋدانىندا تۇرعىندار قۇقىعىن قورعاپ جۇرگەن.
Transparency Kazakhstan قوعامدىق قورى قازاقستان بيلىگىن باقتىباەۆتىڭ ءولىمىن اشىق تەرگەۋگە شاقىردى.
"مونوپوليستەردىڭ زاڭسىز شەشىمدەرى جانە جەمقورلىقپەن كۇرەسىپ جۇرگەن بەلسەندىنىڭ قازاسى – قازاقستاننىڭ ازاماتتىق قوعامىنا سوققى. وسىنداي وقيعالاردان كەيىن ادامدار قوعامداعى زاڭسىزدىقتار مەن ماسەلەلەر جايلى اشىق ايتۋعا قورقادى" دەپ جازىلعان قوردىڭ مالىمدەمەسىندە.
29 مامىردا قاراعاندى وبلىسىنىڭ پوليتسيا دەپارتامەنتى عالى باقتىباەۆتىڭ ءولىمىن تەكسەرىپ جاتقانىن حابارلاعان. پوليتسيا كۇدىكتى ۇستالعانىن، يا ۇستالماعانىن اشىپ ايتپادى.
28 مامىردا قاراعاندى وبلىسى جاڭاارقا اۋدانى اتاسۋ اۋىلىندا جەرگىلىكتى بەلسەندى عالى باقتىباەۆتى بەلگىسىز بەرەۋلەر اتىپ كەتكەن. قاراعاندىدا تۇراتىن ازاماتتىق بەلسەندى ايتقوجا قازادان بىرنەشە اي بۇرىن عالى باقتىباەۆقا قاستاندىق جاسالعانىن ايتقان. فازىلوۆ "بيىل اقپاندا باقتىباەۆتىڭ ۇيىنە بەتپەردە كيگەن الدەكىمدەر باسىپ كىرىپ، ۇرىپ كەتكەن سوڭ بەلسەندى اۋرۋحانادا جاتتى" دەگەن.
"ازاتتىق" راديوسى
