30 mamyrda Qaraǵandy oblysynyń Atasý aýylynda belsendi Ǵaly Baqtybaevty sońǵy saparǵa shyǵaryp saldy. Ol 28 mamyrynda kisi qolynan qaza bolǵan. Baqtybaev 20 jyldaı Jańaarqa aýdanynda turǵyndar quqyǵyn qorǵap júrgen.
Transparency Kazakhstan qoǵamdyq qory Qazaqstan bıligin Baqtybaevtyń ólimin ashyq tergeýge shaqyrdy.
"Monopolısterdiń zańsyz sheshimderi jáne jemqorlyqpen kúresip júrgen belsendiniń qazasy – Qazaqstannyń azamattyq qoǵamyna soqqy. Osyndaı oqıǵalardan keıin adamdar qoǵamdaǵy zańsyzdyqtar men máseleler jaıly ashyq aıtýǵa qorqady" dep jazylǵan qordyń málimdemesinde.
29 mamyrda Qaraǵandy oblysynyń polıııa departamenti Ǵaly Baqtybaevtyń ólimin tekserip jatqanyn habarlaǵan. Polıııa kúdikti ustalǵanyn, ıa ustalmaǵanyn ashyp aıtpady.
28 mamyrda Qaraǵandy oblysy Jańaarqa aýdany Atasý aýylynda jergilikti belsendi Ǵaly Baqtybaevty belgisiz bereýler atyp ketken. Qaraǵandyda turatyn azamattyq belsendi Aıtqoja qazadan birneshe aı buryn Ǵaly Baqtybaevqa qastandyq jasalǵanyn aıtqan. Fazylov "Bıyl aqpanda Baqtybaevtyń úıine betperde kıgen áldekimder basyp kirip, uryp ketken soń belsendi aýrýhanada jatty" degen.
"Azattyq" radıosy
