بۇگىن شىمكەنت قالاسى اكىمى عابيت سىزدىقبەكوۆتىڭ اكىمدىك عيماراتىندا كەزەكتى بىرىڭعاي قابىلداۋ كۇنى ءوتتى. قالا باسشىسىنىڭ تىكەلەي قابىلداۋىنا الدىن الا 50 ازامات جازىلدى.
🔷 قالا اكىمى جەكە قابىلداۋعا جازىلعان ءار تۇرعىننىڭ ماسەلەسىن مۇقيات تىڭداپ، ءتيىستى باسشىلارعا ناقتى تاپسىرمالار بەردى. وعان قوسا، قالا باسشىسى بۇقارانىڭ ءوتىنىش-تىلەكتەرىنىڭ ەشبىرى ەسكەرۋسىز قالمايتىنىن ايتىپ، ءبارى زاڭ اياسىندا شەشىلەتىنىن جەتكىزدى.
🔷 سونىمەن قاتار، اكىم ورىنباسارلارى، اۋدان اكىمدەرى، دەپارتامەنت پەن باسقارما باسشىلارى تۇرعىنداردىڭ ارىز-شاعىمىنا نازار اۋدارىپ، ءتيىمدى شەشۋ جولدارىن ايتتى. ال كۇردەلى ءارى شەشىمىن تابۋ ءۇشىن ۇزاق مەرزىمدى قاجەت ەتەتىن ماسەلەلەر اكىم ورىنباسارلارىنىڭ باقىلاۋىندا بولاتىنىن ءتۇسىندىردى.
🔷 كەزەكتى بىرىڭعاي قابىلداۋ كۇنىندە باسپانامەن قامتۋ، جەر تەلىمىن ءبولۋ جانە الەۋمەتتىك ماسەلەلەر كوپ كوتەرىلدى. جالپى، 300-گە جۋىق ازاماتتىڭ ءوتىنىش-تىلەگى تىڭدالدى.
🔷 ايتا كەتەيىك، قالا اكىمىنىڭ جەكە قابىلداۋىنا جازىلۋدى شىمكەنت قالاسى اكىمى اپپاراتىنىڭ وتىنىشتەردى قاراۋدى باقىلاۋ ءبولىمى جۇرگىزەدى.
شىمكەنت قالاسى اكىمىنىڭ ءباسپاسوز قىزمەتى
