اقتوبەدە وبلىستىق سوتتىڭ الدىنا جيىرماعا جۋىق ازامات تالاپ تىلەكتەرىن ايتىپ شىقتى. ولار پرەزيدەنتتىككە كانديدات ساياساتكەرلەر مەن ۇكىمەت باسشىسى اسقار مامين جانە ءبىلىم جانە عىلىم ءمينيسترى كۇلاش شامشيدينوۆاعا حيدجاب ماسەلەسىن شەشۋدى سۇرادى.
جينالعاندار قىزدارىمىزدىڭ باسىنان ورامال شەشكىزگەن ءبىلىم مينيسترلىگى كونستيتۋتسياعا قارسى شىعارعان بۇيرىقتى وزگەرتسىن دەيدى. بيىل اقتوبە وبلىسىندا حيدجابسىز مەكتەپكە بارعىسى كەلمەگەن سەگىز وقۋشى جىل بويى ساباققا قاتىسپاعان. كەيبىر اتا-انالار بالالارىن رەسەيدە قاشىقتىقتا وقىتىپتى.
- ءبىزدىڭ قۇقىمىز نەگە اياق استى بولادى؟ قازىر ۇكىمەت وزگەرەيىن دەپ جاتىر، پرەزيدەنت سايلانايىن دەپ جاتىر. ءبىزدىڭ دە پروبلەمامىزدى شەشسىن. قازاقستان تۇرعىندارىنىڭ 75 پايىزى مۇسىلمان. ول كەرەك پا، كەرەك ەمەس پا، ايتەۋىر سونداي قاۋىم بار. ونى ەشكىم جوققا شىعارا امايدى. ءبىزدىڭ قۇقىعىمىز دا بار. ءبىز دە اقىسىز وقۋعا قۇقىلىمىز. بىزگە مەكتەپ اشىپ بەرسىن، - دەيدى گۇلجان سابەنوۆا.
گۇلجان سابەنوۆا ەكىنشى سىنىپتى بىتىرمەگەن كىشكەنتاي قىزى ورامالىن شەشىپ مەكتەپكە بارسا، ۇلكەن قىزى ۇيىندە رەسەيدەن قاشىقتىقتا وقىپ جاتقانىن ايتادى.
- ءبىلىم مينيسترلىگىنىڭ زاڭى دەپ مەكتەپ كىرگىزبەيدى. سول كەزدە كوپ بالالاردىڭ ىنتاسىن پسيحولوگيالىق تۇرعىدا سىندىرىپ تاستادى. بالالاردىڭ كوبىسى ساباقتى بەسكە وقيتىن بالالار. حيدجابقا ءتيىسىپ جاتىر. بالالارىمىزدى مەكتەپكە كىرگىزۋلەرى كەرەك. بىزگە باسقا ەشتەڭە كەرەك ەمەس. حيدجابقا قاتىستى زاڭدى شىعارعان ءبىلىم مينيسترلىگى مە، ءبىز ەندى تالاپتى مينيسترگە قويامىز، - دەيدى مەرعالي تىلەپين.
وبلىستىق ءبىلىم باسقاراماسى مەكتەپ فورماسىنا كونبەي ءبىر جىل بويى ساباققا قاتىسپاعان سەگىز بالانىڭ بارىن راستادى. سوزدەرىنشە بۇل سەگىز وقۋشىنىڭ اتا-انالارىمەن جىل بويى كەلسسوز جۇرگىزىپ كەلگەن. الايدا رايلارىنان قايتارا الماپتى. ەندى ءتورت توقسان بويى مەكتەپكە كەلمەگەن بالالاردى سىنىپتان سىنىپقا كوشىرۋگە مۇمكىندىك جوق. الايدا جازعى دەمالىستا وقىپ، سىناق تاپسىرىمىن دەگەندەرگە كەشىرىم بار دەپ وتىر.
- ءبىر جىل بويى ساباققا كەلمەگەن بالالاردى كەلەسى سىنىپقا كوشىرۋگە مۇمكىندىك جوق. ءبىز زاڭدى وزگەرتە المايمىز. ەكىنشىدەن بالا مەملەكەتتىك ستاندارتقا ساي كيىنۋ ءتيىس. سوندىقتان قازىرگى تاڭدا ءبىز اتا-انالارمەن جۇمىس جاساپ جاتىرمىز. ولاردى شاقىرىپ جاتىرمىز. بالالارعا كەسىر تيگىزبەۋ كەرەك. قاي ۋاقىتتا، ءتىپتى جازعى ايلاردا اكەلەمىز دەسە دە ءبىز دايىنبىز. بالالاردى قابىلدايمىز، - دەيدى اقتوبە وبلىستىق ءبىلىم باسقارماسىنىڭ باسشىسى ءلاززات ورازباەۆا.
ءدىن سالاسىنىڭ ماماندارى دىندە باليعات جاسقا تولعان قىز شاشىن، قولىن جاۋىپ ءجۇرۋ كەرەك دەگەن ماسەلەنىڭ بارىن ايتادى. الايدا قازاقستان يسلام مەملەكەتى بولماعاندىقتان زاڭعا باعىنۋ كەرەك.
- ءبىز زايىرلى مەملەكەتپىز. زايىرلى مەملەكتكە زاڭ بار، كونستيتۋتسيا بار. كەز كەلگەن ازامات زاڭعا باعىنۋ ءتيىس. ءبىز يسلام مەملەكەتى ەمەسپىز، - دەيدى اقتوبە وبلىستىق ءدىن ىستەر باسقارماسىنىڭ باسشىسى الىمبەك تۇراليەۆ.
اتا انالاردىڭ تالابىن تىڭداۋعا كەلگەن ءبىلىم باسقارماسىنىڭ باسشىسى مەكتەپ فورماسىنا وزگەرىستىڭ ەنبەيتىنىن، سوندىقتان دا بارلىق بالا مەكتەپ فورماسىن ساقتاۋى قاجەت ەكەنىن ايتتى. ايتپاقشى، بيلىككە تالاپ قويعانداردى پوليتسيا الىپ كەتكەن جوق. تەك ونعا جۋىق ءتارتىپ ساقشىسى باقىلاپ ءجۇردى.
جانار قوجانوۆا
"جاس الاش"
