"Mınıstr mektepke hıdjabpen kirgizsin"

3118

Aqtóbede oblystyq sottyń aldyna jıyrmaǵa jýyq azamat talap tilekterin aıtyp shyqty. Olar prezıdenttikke kandıdat saıasatkerler men úkimet basshysy Asqar MAMIN jáne Bilim jáne ǵylym mınıstri Kúlásh ShÁMShIDINOVAǴA hıdjab máselesin sheshýdi surady.

Jınalǵandar qyzdarymyzdyń basynan oramal sheshkizgen bilim mınıstrligi  konstıtýııaǵa qarsy shyǵarǵan buıryqty ózgertsin deıdi. Bıyl Aqtóbe oblysynda  hıdjabsyz mektepke barǵysy kelmegen segiz oqýshy jyl boıy sabaqqa qatyspaǵan. Keıbir ata-analar balalaryn Reseıde qashyqtyqta oqytypty.

- Bizdiń quqymyz nege aıaq asty bolady? Qazir úkimet ózgereıin dep jatyr, prezıdent saılanaıyn dep jatyr. Bizdiń de problemamyzdy sheshsin. Qazaqstan turǵyndarynyń  75 paıyzy musylman. Ol kerek pa, kerek emes pa, áıteýir sondaı qaýym bar. Ony eshkim joqqa shyǵara amaıdy. Bizdiń quqyǵymyz da bar. Biz de aqysyz oqýǵa quqylymyz.  Bizge mektep ashyp bersin, -  deıdi Gúljan SÁBENOVA.

Gúljan Sábenova ekinshi synypty bitirmegen kishkentaı qyzy oramalyn sheship mektepke barsa, úlken qyzy úıinde Reseıden qashyqtyqta oqyp jatqanyn aıtady.

- Bilim mınıstrliginiń zańy dep mektep kirgizbeıdi. Sol kezde kóp balalardyń yntasyn psıhologııalyq turǵyda syndyryp tastady.  Balalardyń kóbisi sabaqty beske oqıtyn balalar. Hıdjabqa tıisip jatyr. Balalarymyzdy mektepke kirgizýleri kerek. Bizge basqa eshteńe kerek emes. Hıdjabqa qatysty zańdy shyǵarǵan Bilim mınıstrligi me, biz endi talapty mınıstrge qoıamyz, - deıdi Merǵalı TILEPIN. 

Oblystyq bilim basqaramasy mektep formasyna kónbeı bir jyl boıy sabaqqa qatyspaǵan  segiz balanyń baryn rastady. Sózderinshe bul segiz oqýshynyń ata-analarymen jyl boıy kelssóz júrgizip kelgen. Alaıda raılarynan qaıtara almapty.  Endi tórt toqsan boıy mektepke kelmegen balalardy synyptan synypqa kóshirýge múmkindik joq. Alaıda jazǵy demalysta oqyp, synaq tapsyrymyn degenderge keshirim  bar  dep otyr.

- Bir jyl boıy sabaqqa kelmegen balalardy kelesi synypqa kóshirýge múmkindik joq. Biz zańdy ózgerte almaımyz. Ekinshiden bala memlekettik standartqa saı kıiný tıis. Sondyqtan qazirgi tańda biz ata-analarmen jumys jasap jatyrmyz. Olardy shaqyryp jatyrmyz.  Balalarǵa kesir tıgizbeý kerek. Qaı ýaqytta, tipti jazǵy aılarda ákelemiz dese de biz daıynbyz. Balalardy qabyldaımyz, -  deıdi Aqtóbe oblystyq bilim basqarmasynyń basshysy Lázzat ORAZBAEVA.

Din salasynyń mamandary dinde balıǵat jasqa tolǵan qyz shashyn, qolyn jaýyp júrý kerek degen máseleniń baryn aıtady. Alaıda Qazaqstan ıslam memleketi bolmaǵandyqtan zańǵa baǵyný kerek.

- Biz zaıyrly memleketpiz.  Zaıyrly memlektke zań bar, konstıtýııa bar. Kez kelgen azamat zańǵa baǵyný tıis. Biz ıslam memleketi emespiz, - deıdi Aqtóbe oblystyq din ister basqarmasynyń basshysy Álimbek TURALIEV.

Ata analardyń talabyn tyńdaýǵa kelgen bilim basqarmasynyń basshysy  mektep formasyna ózgeristiń enbeıtinin,  sondyqtan da barlyq bala mektep formasyn saqtaýy qajet ekenin aıtty. Aıtpaqshy, bılikke talap qoıǵandardy polıııa alyp ketken joq. Tek onǵa jýyq tártip saqshysy baqylap júrdi.

 

Janar Qojanova

"Jas Alash" 

Pikirler
Redakııa tańdaýy