رەسەي پرەزيدەنتى ۆلاديمير پۋتين قازاقستانعا ساپارى بارىسىندا توقاەۆتىڭ اتى-ءجونىن ايتۋدان ءبىر كۇندە ەكى رەت جاڭىلىستى. جەلىدە ءپۋتيننىڭ ۆيدەوسى تاراۋدا، دەپ حابارلايدى “ادىرنا” ۇلتتىق پورتالى.
ايتا كەتەيىك، بۇگىن، 9 قاراشا پۋتين استاناعا رەسمي ساپارمەن كەلدى. توقاەۆ ءپۋتيندى تاڭەرتەڭ استانا اۋەجايىندا كۇتىپ الدى.
سونداي-اق، قوستانايدا وتكەن قازاقستان مەن رەسەيدىڭ XIX وڭىرارالىق ىنتىماقتاستىق فورۋمىنا توقاەۆ پەن پۋتين بەينەبايلانىس رەجيمىندە قاتىستى. ءىس-شارانىڭ تاقىرىبى: «اۋىل شارۋاشىلىعى – قۋاتتى ەكونوميكانىڭ نەگىزى».
بۇگىنگى رەسمي كەزدەسۋ بارىسىندا، قازاقستاننىڭ وڭتۇستىگىندە ورىس تىلىندە وقىتاتىن ءۇش مەكتەپ سالۋ جوسپارلانىپ جاتقانى ايتىلدى. سونداي-اق قازاقستان مەن رەسەي سەمەي، كوكشەتاۋ جانە وسكەمەن قالالارىندا جىلۋ ەلەكتر ستانتسيالارىن سالۋ تۋرالى مەموراندۋمعا قول قويدى.
