ەل پرەزيدەنتى قاسىم-جومارت كەمەلۇلى الماتى قالاسىنا جۇمىس ساپارىمەن كەلدى، دەپ حابارلايدى «ادىرنا» ءتىلشىسى.
مۋلتيبرەندتى اۆتوموبيل زاۋىتىنىڭ ىرگەتاسىن قالاۋ راسىمىنە قاتىسقان ول ساپاردىڭ كەلەسى كۇنى وڭتۇستىك استانانىڭ جۇرتشىلىعىمەن كەزدەسۋ وتكىزدى.
جيىن بارىسىندا مەملەكەت باسشىسى شاھاردىڭ رەسپۋبليكاداعى ساياسي ماڭىزدى قالا ەكەنىن تىلگە تيەك ەتتى.
«الماتى – قاستەرلى تاۋەلسىزدىگىمىزدىڭ بويتۇمارى بولعان قالا. الماتىدا ەلىمىز ءۇشىن ەڭ ماڭىزدى شەشىمدەر مەن قۇجاتتار قابىلداندى. وسى جەردە ەگەمەندىك دەكلاراتسياسىنا قول قويىلدى، تاۋەلسىزدىگىمىز جاريالاندى. ەلىمىزدىڭ بولاشاعىن ايقىنداعان باسقا دا كوپتەگەن تاعدىرلى وقيعالار ءوتتى. الماتى – ەلىمىزدىڭ ىسكەرلىك، رۋحاني، عىلىمي جانە تۋريستىك ورتالىعى. سوندىقتان، مەن قالانىڭ دامۋىنا، ونىڭ تىرشىلىككە قولايلى، جايلى بولۋىنا ايرىقشا ءمان بەرەمىن»،-دەپ ايتتى ءوز سوزىندە.
سونىمەن قاتار توقاەۆ، قالانىڭ ەكونوميكالىق الەۋەتىنەدە توقتالىپ، بيۋدجەتتىك كىرىستىڭ 25 پايىزدان استامى وسى مەكەنگە تيەسىلى ەكەنىن تىلگە تيەك ەتتى.
«الماتى – ەلىمىزدىڭ ەكونوميكالىق دامۋىنىڭ قوزعاۋشى كۇشى جانە كوشباسشىسى. بۇل قالا جالپى ىشكى ءونىمنىڭ بەستەن ءبىرىن، ياعني بيۋدجەتتىك كىرىستىڭ 25 پايىزدان استامىن جانە ساۋدا-ساتتىقتىڭ ۇشتەن ءبىرىن قامتاماسىز ەتەدى»,-دەپ اتاپ ءوتتى.
ەل تاريحىندا «قاڭتار وقيعاسى» دەگەن اتاۋمەن قالعان كەشەگى كوتەرىڭلىسى، ماڭعاز قالانىڭ مامىراجاي تىرشىلىگىنە وزىندىك زاردابىن تيگىزگەنى ايقىن. پرەزيدەنت قاسىم-جومارت توقاەۆ اتالعان وقعادان كەيىنگى قالانىڭ تىنىس- تىرشىلىگىنىڭ ءبىر قالىپقا كەلگەنىن ايتىپ، «بۇگىنگى تاڭدا الماتى «قاسىرەتتى قاڭتاردان» كەيىن تولىعىمەن قالپىنا كەلتىرىلدى، قالا ەكونوميكاسى تۇراقتى تۇردە دامۋدا», - دەپ ءسوزىن تۇيىندەدى.
