پۋتين اسكەرى قىرىلىپ جاتسا دا، قوسىمشا تاعى دا اسكەر كىرگىزىپ جاتىر. قازىر شابۋىلدىڭ فورماتى ارتيللەريا مەن قاناتتى زىمىراندارعا اۋىستى. رەسەيدىڭ تانكىلەرى مەن بتر-لەرى، باسقا دا سوعىس تەحنيكالارىنىڭ كۇلى شىعىپ، تاۋ بولىپ ءۇيىلىپ قالدى. ۋكراينا جەرىنە تەمىر عاسىرى ورنادى. پۋتين ءدال قازىر جان الىسىپ، جان بەرىسكەن وپەراتسيالارعا كىرىسۋدە.
سوڭعى ەتاپتار:
رەسەي سانكتسيانىڭ استىندا قالدى. ەڭ ءىرى ءتورت بانكتىڭ جۇمىسى شاتقاياقتاپ تۇر. ۇلىبريتانيا بيلىگى ءدال قازىر رەسەيدىڭ ميللياردەر وليگارحتارىنىڭ اكتيۆتەرى مەن قارجىلارىن بۇعاتتاپ جاتىر. بۇعان توزە الماعان رەسەيلىك ميللياردەرلەر ميحايل فريدمان مەن ولەگ دەريپاسكا بۇگىن پۋتينگە قارسى تىكەلەي ماسىمدەمە جاساپ، "سوعىستى توقتاتىڭىز، پرەزيدەنت مىرزا! " دەگەن حابار جولدادى. "بازوۆىي ەلەمەنت" حولدينگىنىڭ باسشىسى دەريپاسكا سانكتسيانىڭ سوققىسىنان 7.8 ميلليارد اقش دوللارىنان ايىرىلىپ وتىرمىز دەپ جان داۋىسىن شىعارىپ وتىر.
ۇلىبريتانيا بيلىگى رەسەيلىك ميللياردەردەرگە قىرعيداي ءتيىپ جاتىر. ەندىگى ەتاپ - رەسەيلىك ميللياردەرلەر مەن وليگوپوليا پۋتين بيلىگىنىڭ اجىراماس جاۋىنا اينالماق. رەسەيدە ەڭ ۇلكەن ساياسي كۇشتەر پۋتينمەن كەسكىلەسكەن شايقاسقا دايىندالىپ تا قويعان سياقتى. بۇلار بەلسەنە قوزعالسا، پۋتين بيلىگى تاريح ساحناسىنىڭ قوقىسىنا كەتۋى ابدەن مۇمكىن.
