قاسىم-جومارت توقاەۆ قازاقستاننىڭ بۇرىنعى پرەزيدەنتى نۇرسۇلتان نازارباەۆ توراعالىق ەتكەن "سامۇرىق-قازىنا" باسقارۋ جونىندەگى كەڭەستى تاراتتى. بۇل تۋرالى قوردىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ۇلتتىق ءال-اۋقات قورى تۋرالى" 2012 جىلعى 1 اقپانداعى قازاقستان رەسپۋبليكاسىنىڭ زاڭىندا 6-1-باپ ("قوردى باسقارۋ جونىندەگى كەڭەس") الىنىپ تاستالسىن، - دەلىنگەن قوردىڭ ءباسپاسوز قىزمەتى تاراتقان حابارلامادا.
قازاقستان رەسپۋبليكاسىنىڭ پرەزيدەنتى قوردى باسقارۋ جونىندەگى كەڭەستى تاراتۋ ماسەلەسىنە قاتىستى قور تۋرالى زاڭعا وزگەرىستەر مەن تولىقتىرۋلار ەنگىزۋ تۋرالى زاڭعا قول قويدى.
ايتا كەتەيىك، قوردى باسقارۋ جونىندەگى كەڭەس – مىندەتىنە قور قىزمەتىنىڭ باسەكەگە قابىلەتتىلىگى مەن تيىمدىلىگىن ارتتىرۋ بويىنشا ۇسىنىستار ازىرلەۋ كىرەتىن كونسۋلتاتيۆتىك-كەڭەسشى ورگان.
