وزبەكستان پرەزيدەنتى شاۆكات ميرزيوەۆ ەكولوگيا جانە كليماتتىڭ وزگەرۋى جونىندەگى ۇلتتىق كوميتەتتىڭ جۇمىسىنا قاتىستى شارالاردى بەكىتتى. بۇل تۋرالى Kaktus Media جازدى، دەپ حابارلايدى "ادىرنا".
ۇكىمەت قابىلداعان قۇجاتقا سايكەس، 1 قاڭتاردان باستاپ بەكەتتەردە اي-80 جانارمايىن ساتۋعا تىيىم سالادى. بۇل شارا «ساپالى ءارى ەكولوگيالىق تازا» وتىنمەن قامتاماسىز ەتۋ ماقساتىندا قولعا الىنعان.
سونداي-اق تاشكەنت قالاسىنىڭ ىشىندە جۇك كولىكتەرىنىڭ قوزعالىسى تاڭەرتەڭگى جانە كەشكى قاربالاس ۋاقىتتا شەكتەلەدى. ءىىم جۇك كولىكتەرىنە شەكتەۋ قويىلاتىن كوشەلەردىڭ ءتىزىمىن انىقتاۋى ءتيىس.
قۇجات بويىنشا، مازۋت جانە سوعان ۇقساس وتىن تۇرلەرىن پايدالانۋ كەزىندە ەكولوگيانى لاستاعانى ءۇشىن جاۋاپكەرشىلىكتى كۇشەيتۋدى كوزدەيدى.
ۇقساس جاڭالىقتار
