رەسەي پرەزيدەنتى ۆلاديمير پۋتين 2024 جىلعى پرەزيدەنتتىك سايلاۋعا قاتىسادى، ول جەڭگەن جاعدايدا 2030 جىلعا دەيىن ەل باسقاراتىن بولادى، دەپ حابارلايدى «ادىرنا» ۇلتتىق پورتالى Reuters اگەنتتىگىنە سىلتەمە جاساپ.
اگەنتتىك اقپاراتىنا سايكەس، كرەملدىڭ ساياساتىمەن تانىس ءبىر ادام شەشىم قابىلدانعانىن جانە ءپۋتيننىڭ كەڭەسشىلەرى ونىڭ 2024 جىلعى سايلاۋ ناۋقانىنا قاتىسۋعا دايىندالىپ جاتقانىن راستادى.
«شەشىم قابىلداندى، پۋتين پرەزيدەنتتىككە ۇمىتكەر بولادى»، - دەلىنگەن دەرەككوزدىڭ بىرىندە.
ۆلاديمير پۋتين ءوزىنىڭ سايلاۋعا قاتىسۋ سەبەبىن سوڭعى 60 جىلداعى ەلى ءۇشىن ەڭ اۋىر كەزەڭنەن رەسەيدى ءوزى الىپ شىعۋى كەرەك دەگەن ۇستانىمىمەن تۇسىندىرەدى، دەلىنگەن Reuters كەلتىرگەن اقپاراتتا.
رەسەي باسشىسىنىڭ ءباسپاسوز حاتشىسى دميتري پەسكوۆ سايلاۋعا قاتىستى «ناۋقان ءالى رەسمي تۇردە جاريالانعان جوق» دەپ مالىمدەدى.
ايتالىق، ۆلاديمير پۋتين العاش رەت 2000 جىلى پرەزيدەنت بولدى جانە ول ءتورت مەرزىمگە قالدى (2008-2012 جىلدارعا ۇزىلىسپەن). ءپۋتيننىڭ باستاماسىمەن قابىلدانعان كونستيتۋتسيالىق تۇزەتۋلەر وعان بەسىنشى مەرزىمگە ۇمىتكەر بولۋعا مۇمكىندىك بەرەدى. Reuters اتاپ وتكەندەي، قازىردىڭ وزىندە پۋتين يوسيف ءستاليندى قوسپاعاندا، ەلدى سوڭعى 100 جىلداعى كەز كەلگەن ادامعا قاراعاندا ۇزاعىراق باسقارادى.
«ادىرنا» ۇلتتىق پورتالى
