Reseı prezıdenti Vladımır Pýtın 2024 jylǵy prezıdenttik saılaýǵa qatysady, ol jeńgen jaǵdaıda 2030 jylǵa deıin el basqaratyn bolady, dep habarlaıdy «Adyrna» ulttyq portaly Reuters agenttigine silteme jasap.
Agenttik aqparatyna sáıkes, Kremldiń saıasatymen tanys bir adam sheshim qabyldanǵanyn jáne Pýtınniń keńesshileri onyń 2024 jylǵy saılaý naýqanyna qatysýǵa daıyndalyp jatqanyn rastady.
«Sheshim qabyldandy, Pýtın prezıdenttikke úmitker bolady», - delingen derekkózdiń birinde.
Vladımır Pýtın óziniń saılaýǵa qatysý sebebin sońǵy 60 jyldaǵy eli úshin eń aýyr kezeńnen Reseıdi ózi alyp shyǵýy kerek degen ustanymymen túsindiredi, delingen Reuters keltirgen aqparatta.
Reseı basshysynyń baspasóz hatshysy Dmıtrıı Peskov saılaýǵa qatysty «naýqan áli resmı túrde jarııalanǵan joq» dep málimdedi.
Aıtalyq, Vladımır Pýtın alǵash ret 2000 jyly prezıdent boldy jáne ol tórt merzimge qaldy (2008-2012 jyldarǵa úzilispen). Pýtınniń bastamasymen qabyldanǵan konstıtýııalyq túzetýler oǵan besinshi merzimge úmitker bolýǵa múmkindik beredi. Reuters atap ótkendeı, qazirdiń ózinde Pýtın Iosıf Stalındi qospaǵanda, eldi sońǵy 100 jyldaǵy kez kelgen adamǵa qaraǵanda uzaǵyraq basqarady.
«Adyrna» ulttyq portaly
