وزبەكستان پرەزيدەنتى بۇگىن اقش ساياساتكەرىنە جاسالعان قاستاندىققا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
وزبەكستان باسشىسى شاۆكات ميرزيوەۆ اقش ساياساتكەرى دونالد ترامپقا جاسالعان قاستاندىقتى قاتاڭ ايىپتايتىنىن ءمالىم ەتتى.
«پرەزيدەنت شاۆكات ميرزيوەۆ پەنسيلۆانيا شتاتىنداعى سايلاۋالدى بايانداماسى كەزىندە اقش-تىڭ بۇرىنعى پرەزيدەنتى دونالد ترامپقا جاسالعان قاستاندىق تۋرالى حاباردى اسا الاڭداۋشىلىقپەن قابىلدادى. مەملەكەت باسشىسى بۇل قاستاندىقتى قاتاڭ ايىپتايتىنىن مالىمدەدى جانە دونالد ترامپتىڭ تەزىرەك ساۋىعىپ كەتۋىنە تىلەكتەستىك ءبىلدىردى»، - دەپ جازدى وزبەكستان باسشىسىنىڭ ءباسپاسوز حاتشىسى شەرزود اسادوۆ.
ايتا كەتەيىك، بۇگىن دە قازاقستان پرەزيدەنتى توقاەۆ تا قاستاندىققا قاتىستى پىكىرىن بىلدىرگەن ەدى.
