بەلگىسىز دروندار تۇركياعا شابۋىل جاسادى

4234
Adyrna.kz Telegram

تۇركيانىڭ ىشكى ىستەر ءمينيسترى سۋلەيمان سويلۋ 18 مامىردا كەشكە ديارباكىر پروۆينتسياسىنداعى اسكەري بازاعا ەكى دروننىڭ شابۋىل جاساماق بولعانىن مالىمدەدى، دەپ حابارلايدى "ادىرنا" ۇلتتىق پورتالى.

اقپاراتقا سايكەس، وتكەن اپتانىڭ سەيسەنبىسىندە جەرگىلىكتى ۋاقىت بويىنشا 12.30-دا (ماسكەۋ ۋاقىتىمەن سايكەس كەلەدى) ەكى درون اۋە بازاسىنا شابۋىلدادى.

تۇركيانىڭ ىشكى ىستەر ءمينيسترى Twitter-دە دروندار «بەيتاراپتاندىرىلدى» دەپ مالىمدەدى.

وقيعا تۋرالى ءجىتى اقپارات بەرمەستەن: «زارداپ شەككەندەر جوق»، - دەپ حابارلادى ول.

شابۋىلداعاندار تۇركيادا تىيىم سالىنعان كۇردىستان جۇمىسشىلار پارتياسى دەپ ەسەپتەلدى، دەگەنمەن بۇل توپتىڭ تۇركيانىڭ قاۋىپسىزدىك كۇشتەرى مەن ارميا بولىمشەلەرىنە قارسى وپەراتسيالارى كەزىندە درونداردى قولدانعانى بۇرىن-سوڭدى بايقالماعان.

EADaily حابارلاعانداي، ىشكى ىستەر ءمينيسترى سۋلەيمان سويلۋ مەن تۇركيانىڭ قارجى ءمينيسترى لۋتفي ەلۆاننىڭ شەشىمىمەن 7 ساۋىردە رەسمي گازەتتە جاريالانعانداي 377 جەكە تۇلعانىڭ، مەكەمەلەر مەن ۇيىمداردىڭ قارجىلىق اكتيۆتەرى بۇعاتتالدى. ەلدەگى اكتيۆتەرى وسى شەشىمگە سايكەس شەكتەۋلەرگە ۇشىراعان ادامدار قاتارىندا پكك جەتەكشىلەرى مۇرات قارايىلان، دجەميل بايك جانە دۋران كالكان بار.

"ادىرنا" ۇلتتىق پورتالى

ء(يلليۋستراتيۆتى فوتو: basnews.com)

پىكىرلەر