2024 جىلدان باستاپ قازاقستاندا زاڭداردىڭ ءبارى قازاق تىلىندە جازىلادى. بۇل تۋرالى ءماجىلىس دەپۋتاتى ابزال قۇسپان ايتتى، دەپ حابارلايدى «ادىرنا» ۇلتتىق پورتالى Halyq Uni سايتىنا سىلتەمە جاساپ.
ابزال قۇسپان ۇكىمەت مۇشەلەرىنىڭ دەپۋتاتتار كوتەرگەن ماسەلەگە نازار اۋدارعانىن جەتكىزدى.
«بۇگىن ماجىلىستەگى كوميتەت وتىرىسىن جۇرگىزگەن دەپۋتات ءۇنزيلا شاپاققىزى بۇل ماسەلە بويىنشا ۇكىمەتكە ساۋال جولدادى. ءبارىمىز قولدادىق. سودان كەيىن ۇكىمەتتىڭ اتىنان ۆيتسە-پرەمەر (التاي كولگىنوۆتىڭ) قولى قويىلعان جاۋاپ كەلدى. وندا «2024 جىلدان باستاپ زاڭدار قازاق تىلىندە دايىندالادى» دەپ جازىلعان.
ۇكىمەت باسشىسىنىڭ ورىنباسارى التاي كولگىنوۆ قىزمەتىنەن كەتكەنى بەلگىلى. الايدا ول قىزمەتىنەن كەتكەنىمەن، ۇكىمەت ورنىندا عوي. سوندىقتان ولاردىڭ بەرگەن ۋادەسىنە سەنەمىز»، - دەدى ول.
بۇگىندە دەپۋتات قازاق تىلىندە زاڭداردى دايىنداۋعا كىرىسكەنىن اتاپ ءوتتى.
مىسالى، مەن 2 زاڭ جوباسىن دايىنداپ جاتىرمىن. ول قۇجاتتاردىڭ اتىن اتاي المايمىن. بىراق ولاردى قازاق تىلىندە دايىنداپ جاتىرمىن، - دەدى ابزال قۇسپان.
«ادىرنا» ۇلتتىق پورتالى
