اقتوبە وبلىسىندا جول اپاتى ورىن الىپ، سالدارىنان شەتەلدىك ازاماتتار كوز جۇمدى. بۇل تۋرالى پوليتسيا قىزمەتكەرلەرى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، كەشە سامارا – شىمكەنت اۆتوجولىنىڭ 606-شاقىرىمىندا Kia Rio اۆتوكولىگىنىڭ 34 جاستاعى جۇرگىزۋشىسى، تاجىكستان رەسپۋبليكاسىنىڭ ازاماتى باتىس قازاقستان وبلىسى جاعىنان اقتوبە وبلىسىنىڭ قوبدا اۋىلىنا قاراي كەلە جاتقان وزبەكستان رەسپۋبليكاسىنىڭ 31 جاستاعى ازاماتىنىڭ باسقارۋىنداعى Chevrolet Captiva اۆتوكولىگىمەن سوقتىعىسقان. اپات سالدارىنان 2 جۇرگىزۋشى جانە Chevrolet Captiva جولاۋشىسى وقيعا ورنىندا قازا تاپتى.
سونداي-اق ەكى كولىكتىڭ 2 جولاۋشىسى ءارتۇرلى جاراقاتتارمەن قوبدا اۋداندىق اۋرۋحاناسىنا جاتقىزىلدى.
جول-كولىك وقيعاسى بويىنشا قر قك-ءنىڭ 345-بابى 4-بولىگىمەن سوتقا دەيىنگى تەرگەۋ باستالدى. پوليتسيا دەپارتامەنتى كولىك جۇرگىزۋشىلەرىن جول ەرەجەلەرىن قاتاڭ ساقتاۋعا شاقىرادى، – دەلىنگەن حابارلامادا.
