الماتىدا اۆتوبۋس جاياۋ جۇرگىنشىلەر جولاعىمەن ءوتىپ بارا جاتقان ادامداردى قاعىپ كەتتى. ەكى ادامنىڭ ءبىرى وقيعا ورنىندا مەرت بولدى. بۇل تۋرالى الماتى قالالىق پوليتسيا دەپارتامەنتى راستادى، دەپ حابارلايدى “ادىرنا” ۇلتتىق پورتالى.
وقيعانىڭ ۆيدەوسى الەۋمەتتىك جەلىدە پايدا بولدى.
اقپارات بويىنشا، جول اپاتى 9 قىركۇيەك كۇنى تاڭعى ساعات 09:05 شاماسىندا بولعان.
جولاۋشىلار اۆتوبۋسىنىڭ جۇرگىزۋشىسى اباي داڭعىلىمەن باتىس باعىتتا، ساين كوشەسىنەن باتىسقا قاراي كەلە جاتىپ، جاياۋ جۇرگىنشىلەر جولىنان ءوتىپ بارا جاتقان ەكى ادامدى قاعىپ كەتتى. سالدارىنان 1958 جىلى تۋعان ەر ادام وقيعا ورنىندا كوز جۇمدى. ەكىنشى جاياۋ جۇرگىنشى 66 جاستاعى ايەل قالاداعى ەمدەۋ مەكەمەلەرىنىڭ بىرىنە جەتكىزىلدى. اتالعان وقيعا قر قك 345-بابىنىڭ 3-بولىمىمەن سوتقا دەيىنگى تەرگەۋ ءىسى رەەسترىندە تىركەلىپ، ساراپتامالار تاعايىندالدى، - دەپ حابارلادى ۆەدومستۆو.
