ۋران نارىعىنىڭ مايتالمانى مۇحتار جاكىشەۆ "قارمەتكومبيناتتى" اۋستراليالىق كومپانيا ءبىراز جىل بۇرىن 5 ملرد دوللارعا ساتىپ الۋعا دايىن بولعانىن ايتتى، دەپ حابارلايدى "ادىرنا" ءتىلشىسى.
Orda.kz تىلشىسىنە بەرگەن سۇحباتىندا "قازاتومونەركاسىپتىڭ" ەكس-باسشىسى مۇحتار جاكىشەۆ كوپتەگەن تاقىرىپتى كەڭىنەن قوزعادى. سونىڭ ءبىرى بۇگىندە جارىلىس بولىپ، 46 كەنشىنىڭ ولىمىنە اكەلگەن "ارسەلورميتتال تەمىرتاۋ" كومپانياسىنىڭ بۇرىنعى باسشىسى لاكشمي ميتتالدىڭ ارەكەتتەرى دە ءسوز بولدى.
"مەنىڭ ەستۋىم بويىنشا كەلگەننەن باستاپ لاكشمي ميتتال كومىردى كوزدەگەن. ءبىز وعان "قارمەتكومبيناتتى" ۇسىندىق. بىراق كومىر دە، كومبينات تا وعان تولىق كەتتى. ونىڭ ۇستىنە كومپانيانىڭ قارىزىن باسقا بىرەۋگە ءىلدى. ياعني، باسقا ءبىر كاسىپورىن مەملەكەتكە قارىزدى تولەيدى. ال لاكشميگە قارىزسىز، بوس كاسىپورىندى بەردى",-دەيدى جاكىشەۆ.
سۇحبات بارىسىندا لاكشمي ميتتالمەن تەكەتىرەس اشىق تالقىلاندى.
ء"بىز ونىڭ كاسىپكە قالاي كىرگەنىن بىلمەيمىز. قولىمىزدا كەلىسىمشارت بولمادى، ول قانداي قىزمەتتە، قانداي تالاپتارمەن كىرگەنىن بىلمەيمىز",-دەيدى ول.
سۇحبات اياسىندا "قارمەتكومبيناتتى" 5 ملرد دوللارعا ساتىپ الماق بولعان اۋستريالىق كومپانيانىڭ ۇسىنىسىن قابىلداماي، بيلىك تاراپىنان 150 ملن دوللار سۇرالعانى دا جاسىرىن قالمادى.
ەسكە سالا كەتەيىك، مۇحتار جاكىشەۆ 2000 جىلداردىڭ باسىندا ءتورت اي ەنەرگەتيكا ءمينيسترىنىڭ ورىنباسارى بولدى. ال 1990 جىلداردىڭ ورتاسىندا "قارمەتكومبيناتقا" ۇمىتكەر "بۋتيا"حولدينگىنىڭ باسشىلىعىنا كىردى.
