Ýran naryǵynyń maıtalmany Muhtar Jákishev "Qarmetkombınatty" aýstralııalyq kompanııa biraz jyl buryn 5 mlrd dollarǵa satyp alýǵa daıyn bolǵanyn aıtty, dep habarlaıdy "Adyrna" tilshisi.
Orda.kz tilshisine bergen suhbatynda "Qazatomónerkásiptiń" eks-basshysy Muhtar Jákishev kóptegen taqyrypty keńinen qozǵady. Sonyń biri búginde jarylys bolyp, 46 kenshiniń ólimine ákelgen "ArselorMıttal Temirtaý" kompanııasynyń burynǵy basshysy Lakshmı Mıttaldyń áreketteri de sóz boldy.
"Meniń estýim boıynsha kelgennen bastap Lakshmı Mıttal kómirdi kózdegen. Biz oǵan "Qarmetkombınatty" usyndyq. Biraq kómir de, kombınat ta oǵan tolyq ketti. Onyń ústine kompanııanyń qaryzyn basqa bireýge ildi. Iaǵnı, basqa bir kásiporyn memleketke qaryzdy tóleıdi. Al Lakshmıge qaryzsyz, bos kásiporyndy berdi",-deıdi Jákishev.
Suhbat barysynda Lakshmı Mıttalmen teketires ashyq talqylandy.
"Biz onyń kásipke qalaı kirgenin bilmeımiz. Qolymyzda kelisimshart bolmady, ol qandaı qyzmette, qandaı talaptarmen kirgenin bilmeımiz",-deıdi ol.
Suhbat aıasynda "Qarmetkombınatty" 5 mlrd dollarǵa satyp almaq bolǵan aýstrııalyq kompanııanyń usynysyn qabyldamaı, bılik tarapynan 150 mln dollar suralǵany da jasyryn qalmady.
Eske sala keteıik, Muhtar Jákishev 2000 jyldardyń basynda tórt aı Energetıka mınıstriniń orynbasary boldy. Al 1990 jyldardyń ortasynda "Qarmetkombınatqa" úmitker "Býtıa"holdınginiń basshylyǵyna kirdi.
