قازاقستان رەسپۋبليكاسىنىڭ قارجى ءمينيسترى ەرۇلان جاماۋباەۆ "ارسەلورميتتال" كومپانياسىنداعى كەزەكتى بولعان قايعىلى جاعدايعا قاتىستى تۇسىنىكتەمە بەردى. وقىس وقيعاعا بايلانىستى اتالمىش كومپانيانىڭ قازاقستاننان كەتەتىنىن مالىمدەپ، ناقتى ساياسي شەشىم قابىلدانعانىن ايتتى، دەپ جازادى "ادىرنا" ۇلتتىق پورتالى.
قارجى ءمينيسترىنىڭ حابارلاۋىنشا، قازىر مەنشىك يەسىمەن كەلىسسىوزدەر جۇرگىزىلىپ جاتىر. دەگەنمەن، مينيستر ۇكىمەتتىڭ رەسەيلىك "سەۆەرستال" كومپانياسىمەن كەلىسسىوزدەر جۇرگىزىپ، ميتتالدىڭ اكتيۆتەرىن ساتىپ الۋعا قامدانىپ جاتقان-جاتپاعاندىعىن اشىپ ايتپادى، دەپ حابارلايدى "ۆلاست" باسىلىمى.
ء"سىز ءبارىن ءوز قۇلاعىڭىزبەن ەستىدىڭىز، مالىمدەمە جاسالدى. بۇل ماسەلەمەن [پرەمەر-ءمينيستردىڭ ءبىرىنشى ورىنباسارى] رومان سكليار تىكەلەي اينالىسادى", - دەدى جاماۋباەۆ.مينيستر مۇنداي اسا ماڭىزدى كەلىسسىوزدەرمەن "بەلگىلى ءبىر ادامداردىڭ توبى" اينالىسۋى كەرەك ەكەنىن اتاپ ءوتتى. ويتكەنى بۇل "اسا ماڭىزدى كەلىسسىوزدەر پروتسەسى" بولۋى ءتيىس.
"ەگەر اركىم بۇل ماسەلەگە ءوز دەڭگەيىندە بىرجاقتى تۇسىنىكتەمە بەرسە، بۇل ءبىزدى دۇرىس جولعا باستامايدى. سونىمەن قاتار، بۇل كەلىسسوزدەر پروتسەسىنە اسەر ەتۋى مۇمكىن. سوندىقتان مالىمدەمە جاسالدى. ساياسي شەشىم (ميتتالدىڭ قازاقستاننان كەتۋى بويىنشا - رەد.), مەنىڭ ويىمشا، ناقتىلاندى. سوندىقتان ءبىز بۇل باعىتتى جۇمىس ىستەيمىز", - دەپ باسىلىم ءمينيستردىڭ ءسوزىن العا تارتتى.
"ادىرنا" ۇلتتىق پورتالى
ۇقساس جاڭالىقتار
