يسپانيانىڭ بارسەلونا قالاسىنا جاقىن ماڭدا «قازاتومونەركاسىپ» ۇلتتىق اتوم كومپانياسىنىڭ بۇرىنعى پرەزيدەنتى مۇحتار جاكىشەۆتىڭ قىزى التىناي مەن ونىڭ جۇبايى كارل ءوبيدىڭ ۇيلەنۋ تويى ءوتتى، دەپ حابارلايدى "ادىرنا" ۇلتتىق پورتالى.
بۇل تۋرالى جەلىدە جاريالاندى.
جاس جۇبايلار بۇعان دەيىن لوندوندا زاڭدى نەكەسىن قيىپ، الماتىدا ءداستۇرلى قىز ۇزاتۋ ءراسىمىن وتكىزگەن. ال ۇيلەنۋ تويىنىڭ قورىتىندى سالتاناتىن يسپانيانىڭ كاتالونيا وڭىرىندەگى تاريحي Bell Reco ۆيللاسىندا ۇيىمداستىردى.
اشىق اسپان استىندا وتكەن ءراسىم بارىسىندا جاس جۇبايلار ساقينا الماسىپ، نەكەلەرىن قيدى.
سالتاناتتى شاراعا ءارتۇرلى ەلدەن كەلگەن تۋىستارى مەن جاقىن دوستارى قاتىستى. قوناقتار قاتارىندا كاسىپكەر ارمانجان بايتاسوۆ جۇبايى ديليارا بايتاسوۆامەن بىرگە جانە قالىڭدىقتىڭ اناسى ءجاميلا جاكىشەۆا بولدى.
نەكە قيۋ راسىمىنەن كەيىن قوناقتارعا مەرەكەلىك داستارقان جايىلىپ، كەش بارىسىندا كوپقاباتتى تورت كەسىلىپ، بي كەشى ۇيىمداستىرىلدى. كەيىن قالىڭدىق مەرەكەلىك كيىمىن جەڭىل كەشكى كويلەككە اۋىستىرىپ، توي ەركىن فورماتتا جالعاستى.
