بۇگىن، 29 قازان كۇنى تۇركيا رەسپۋبليكاسىنىڭ قۇرىلعانىنا 100 جىل تولدى، دەپ حابارلايدى "ادىرنا" ءتىلشىسى.
تۇركيا 1923 جىلى 29 قازان كۇنى رەسپۋبليكا رەتىندە جاريالاندى. بۇل كۇن تۇركيا تاريحىنداعى جاڭا بەت اشىلىپ، تاۋەلسىزدىك پەن ۇلتتىق جاڭعىرۋ كەزەڭى باستالعان ءسات بولدى. وسى ۋاقىتتان باستاپ اتاتۇرىك ەلدى ساياسي، قۇقىقتىق، مادەني جانە الەۋمەتتىك جاڭعىرتۋعا باعىتتالعان بىرقاتار رەفورمالاردى جۇزەگە اسىرىپ، مەملەكەتتىڭ نەگىزىن قالادى.
رەسپۋبليكادا تاۋەلسىزدىك ءۇشىن كۇرەس بولدى. بىرىنشى دۇنيەجۇزىلىك سوعىس اياقتالعاننان كەيىن وسمان يمپەرياسى ىدىراۋ الدىندا تۇرعانى بەلگىلى. 1920 جىلى قول قويىلعان سەۆر كەلىسىمى يمپەريانىڭ تەرريتوريالارىن وداقتاس دەرجاۆالار اراسىندا ءبولۋدى كوزدەدى، بۇل تۇركيادا ۇلتتىق نارازىلىق تۋدىردى. وسى ماڭىزدى ساتتە تاۋەلسىزدىك قوزعالىسىنىڭ كوشباسشىسى ءرولىن اتقارعان مۇستافا كەمال اتاتۇرىك تاريحي ساحناعا شىعىپ، ءبارىن ءوز قولىنا الدى.
1919 جىلى تۇركيادا تاۋەلسىزدىك سوعىسى باستالدى. اتاتۇرىكتىڭ باسشىلىعىمەن تۇرىك ۇلتشىل كۇشتەرى گرەك، ارميان جانە فرانتسۋز اسكەرلەرىنە، سونداي-اق تۇرىك تەرريتورياسىنىڭ ءبىر بولىگىن تارتىپ الۋعا تىرىسقان باسقا توپتارعا قارسى شايقاستى.
1923 جىلى 29 قازاندا مۇستافا كەمال اتاتۇرىك باستاعان تۇركيا رەسپۋبليكاسىنىڭ قۇرىلعانىنا بايلانىستى ءار جىل سايىن تۇركيادا بۇل كۇن ەرەكشە اتالىپ وتىلەدى.
ءتۇرلى سالتاناتتى ءىس-شارالار تۇركيا بويىنشا وتەدى. بيىلعى انكارا مەن ستامبۋلداعى مەرەكەلىك شارالارعا پرەزيدەنت رەجەپ تايىپ ەردوعان قاتىسۋدى.
سونداي-اق، بۇگىن ىستامبۇلدا 100 كەمە مەن 20 جاۋىنگەرلىك ۇشاق قاتىساتىن اسكەري-تەڭىز شەرۋى وتەدى.
رەسەي پرەزيدەنتى ۆلاديمير پۋتين ەردوعاندى تۇركيا رەسپۋبليكاسىنىڭ ءجۇز جىلدىق مەرەيتويىمەن قۇتتىقتاپ، ەكىجاقتى قاتىناستار دوستىق پەن تاتۋ كورشىلىك رۋحىندا دامىپ كەلە جاتقانىن، ال ەلدىڭ ءوزى الەمدىك ارەنادا جوعارى بەدەلگە يە ەكەنىن اتاپ ءوتتى.
