قازاقستان پرەزيدەنتى قاسىم-جومارت توقاەۆ انتاليا ديپلوماتيالىق فورۋمى اياسىنداعى پانەلدىك سەسسياعا قاتىسۋ ءۇشىن NEST كونگرەسس-ورتالىعىنا كەلدى، دەپ حابارلايدى "ادىرنا" ۇلتتىق پورتالى.
«Mapping Tomorrow, Managing Uncertainties» تاقىرىبىنداعى پانەلدىك پىكىرتالاسقا گوردانا سيليانوۆسكا-داۆكوۆا جانە يراكلي كوباحيدزە قاتىسۋدا.
پىكىرتالاستى مەۆليۋت چاۆۋشوگلۋ جۇرگىزەدى. ول تۇركيا ۇلى ۇلتتىق جينالىسىنىڭ مۇشەسى ءارى بۇرىنعى سىرتقى ىستەر ءمينيسترى.
ايتا كەتەيىك، 17 ساۋىردە رەجەپ تايىپ ەردوعان شاقىرۋىمەن قاسىم-جومارت توقاەۆ تۇركياعا جۇمىس ساپارىمەن بارعان بولاتىن. ساپار اياسىندا مەملەكەت باسشىسى انتاليا ديپلوماتيالىق فورۋمىنىڭ اشىلۋىنا قاتىسىپ، پانەلدىك سەسسيادا ءسوز سويلەيدى. سونىمەن قاتار، بىرقاتار ەكىجاقتى كەزدەسۋلەر وتكىزۋ جوسپارلانعان.
ۇقساس جاڭالىقتار
