بۇگىن قازاق حالقىنىڭ ايگىلى پالۋانى، اقىنى، ءانشى-سازگەرى جانە قوعام قايراتكەرى بالۋان شولاقتىڭ تۋعانىنا 160 جىل تولدى.
بالۋان شولاق اتىمەن بەلگىلى نۇرماعانبەت بايمىرزاۇلى ءوزىنىڭ دەنە كۇشىمەن، ونەرىمەن ءارى وتارشىلدىققا قارسى كۇرەسىمەن تانىمال بولعان.
ونىڭ ەسىمىن حالىق بالۋاندىق ونەرىنە ءسۇيسىنىپ، ءارى جاس كۇنىندە ساۋساعىن ءۇسىتىپ الۋىنا بايلانىستى «بالۋان شولاق» دەپ اتاپ كەتكەن.
بالۋان شولاق «اششىلى-ايىرىق»، «بالۋان شولاق»، «جەلدىرمە»، «دىكىلدەك»، «كوكشەتاۋ»، «قوسالقا»، «قوس بارابان»، «قوس پەرنە»، «قۇلان كىسىنەس»، «كەنجە قوڭىر»، سياقتى اندەردىڭ اۆتورى. ونىڭ حالىق اراسىنا كەڭىنەن تاراعان اندەرى – «عاليا» مەن «سەنتيابر». «عاليا» نازىك سەزىم دۇنيەسىن، ءمولدىر ماحابباتتى شەبەرلىكپەن سىرشىل اۋەندە جىرلاعان عاشىقتىق ليريكاسى.
مۋزىكا زەرتتەۋشىسى ا.ۆ.زاتاەۆيچ ەل اراسىنان بالۋان شولاقتىڭ بىرنەشە ءاندىن جازىپ الىپ، ونى «قازاق حالقىنىڭ 1000 ءانى» جانە «قازاقتىڭ 500 ءانى مەن كۇيى» جيناقتارىنا ەنگىزەدى.
سان ونەرىمەن حالقىن ريزا ەتىپ، ولكەسىن سازدى اۋەنىمەن تەربەتكەن، زامانىنىڭ ايتۋلى سال-سەرىسىنىڭ ءبىرى بولعان بالۋان شولاق بايمىرزاۇلى 1916 جىلى قايتىس بولعان.
