Búgin, 29 qazan kúni Túrkııa Respýblıkasynyń qurylǵanyna 100 jyl toldy, dep habarlaıdy "Adyrna" tilshisi.
Túrkııa 1923 jyly 29 qazan kúni respýblıka retinde jarııalandy. Bul kún Túrkııa tarıhyndaǵy jańa bet ashylyp, Táýelsizdik pen ulttyq jańǵyrý kezeńi bastalǵan sát boldy. Osy ýaqyttan bastap Atatúrik eldi saıası, quqyqtyq, mádenı jáne áleýmettik jańǵyrtýǵa baǵyttalǵan birqatar reformalardy júzege asyryp, memlekettiń negizin qalady.
Respýblıkada táýelsizdik úshin kúres boldy. Birinshi dúnıejúzilik soǵys aıaqtalǵannan keıin Osman ımperııasy ydyraý aldynda turǵany belgili. 1920 jyly qol qoıylǵan Sevr kelisimi ımperııanyń terrıtorııalaryn odaqtas derjavalar arasynda bólýdi kózdedi, bul Túrkııada ulttyq narazylyq týdyrdy. Osy mańyzdy sátte Táýelsizdik qozǵalysynyń kóshbasshysy rólin atqarǵan Mustafa Kemal Atatúrik tarıhı sahnaǵa shyǵyp, bárin óz qolyna aldy.
1919 jyly Túrkııada táýelsizdik soǵysy bastaldy. Atatúriktiń basshylyǵymen túrik ultshyl kúshteri grek, armıan jáne franýz áskerlerine, sondaı-aq túrik terrıtorııasynyń bir bóligin tartyp alýǵa tyrysqan basqa toptarǵa qarsy shaıqasty.
1923 jyly 29 qazanda Mustafa Kemal Atatúrik bastaǵan Túrkııa Respýblıkasynyń qurylǵanyna baılanysty ár jyl saıyn Túrkııada bul kún erekshe atalyp ótiledi.
Túrli saltanatty is-sharalar Túrkııa boıynsha ótedi. Bıylǵy Ankara men Stambýldaǵy merekelik sharalarǵa prezıdent Rejep Taıyp Erdoǵan qatysýdy.
Sondaı-aq, búgin Ystambulda 100 keme men 20 jaýyngerlik ushaq qatysatyn áskerı-teńiz sherýi ótedi.
Reseı prezıdenti Vladımır Pýtın Erdoǵandy Túrkııa Respýblıkasynyń júz jyldyq mereıtoıymen quttyqtap, ekijaqty qatynastar dostyq pen tatý kórshilik rýhynda damyp kele jatqanyn, al eldiń ózi álemdik arenada joǵary bedelge ıe ekenin atap ótti.
