تۇركيا پرەزيدەنتى رەجەپ تايىپ ەردوعان پالەستينانى قولداۋ ماقساتىندا ىستامبۇلدا وتەتىن ميتينگكە قاتىسۋعا شاقىردى، دەپ حابارلايدى «ادىرنا» ۇلتتىق پورتالى.
«مەن ەرتەڭ اتاتۇرىك اۋەجايىندا وتەتىن «ۇلكەن پالەستينا ميتينگىنە» ۇلتىمىزدىڭ ءاربىر وكىلىن قاتىسۋعا شاقىرامىن. بۇكىل الەمگە پالەستينالىق باۋىرلارىمىزبەن ءبىر ەكەنىمىزدى كورسەتۋ ءۇشىن»، - دەپ جازدى تۇركيا پرەزيدەنتى Twitter الەۋمەتتىك جەلىسىندە.
بولجام بويىنشا، ميتينگكە 1 ميلليوننان استام ادام قاتىسادى. وسىعان بايلانىستى ىستامبۇل بيلىگى قالالىق كولىكتىڭ جۇمىسىنا تۇزەتۋلەر ەنگىزىپ، تۇرعىندار ءۇشىن تەگىن جول ءجۇرۋ جاعدايىن قاراستىرعان.
«ادىرنا» ۇلتتىق پورتالى
