7 قازاندا تاڭەرتەڭ ءيزرايلدىڭ ورتالىق جانە وڭتۇستىك بولىكتەرىنە گازا سەكتورىنىڭ زىمىراندارى شابۋىل جاساعانى ايتىلدى. سونىمەن بىرگە حاماس توبى ەلگە باسىپ كىرگەن بولاتىن. باتىس ەلدەرى حاماس-تىڭ شابۋىلىن ايىپتاپ وتىر، دەپ حابارلايدى "ادىرنا" ءتىلشىسى DW اگەنتتىگىنە سىلتەپ.
باق بەتتەرىندە بۇل سوعىس سوڭعى جىلدارداعى يزرايل مەن پالەستينا اراسىنداعى قاقتىعىستىڭ ەڭ ۇلكەن ءورشۋى دەپ باعالانۋدا.
يزرايل مەملەكەتىنىڭ پرەمەر-ءمينيسترى بەنيامين نەتانياحۋ حالىققا جاساعان ۇندەۋىندە پالەستينانىڭ راديكالدى حاماس ۇيىمىنا قارسى اسكەري وپەراتسيا ۇزاققا سوزىلاتىن جانە كۇردەلى بولاتىنىن ايتتى.
ء"بىز بۇل سوعىستا بىرگەمىز، بۇل سوعىس قيىن بولادى. ءبىزدى قيىن كۇندەر كۇتىپ تۇر، بىراق مەن ءبىر نارسەنى ۋادە ەتكىم كەلەدى: قۇدايدىڭ كومەگىمەن، ورتاق كۇش — جىگەرمەن، يزرايلگە دەگەن سەنىمىمىزدىڭ ارقاسىندا ءبىز جەڭەمىز", - دەدى ول.
يزرايل قورعانىس ارمياسى گازا سەكتورىنداعى 10 حاماس نىساندارىنا، سونىڭ ىشىندە قوزعالىستىڭ بارلاۋ شتاب-پاتەرىنە سوققى بەرگەنىن مالىمدەدى. بۇل تۋرالى يزرايل قورعانىس ارمياسىنىڭ Telegram كانالىندا جاريالاندى.
سالدارىنان 2,8 مىڭنان استام ادام جاراقات السا، 434 ادامنىڭ قايتىس بولعانى بەلگىلى بولدى.
ەۋرووداقتىڭ سىرتقى ساياسات جونىندەگى ۆەدومستۆو باسشىسى جوزەپ بوررەل وداقتىڭ يزرايلمەن بىرگە ەكەنىن ايتتى.
سونداي-اق، بىرنەشە ەلدىڭ باسشىلارى بۇل سوعىستا يزرايلدى قولدايتىنىن جەتكىزدى.
گەرمانيا سىرتقى ىستەر ءمينيسترى اننالەنا بەربوك حاماس-تىڭ يزرايلگە شابۋىلىن ايىپتاپ، بەيبىت ازاماتتارعا كۇش قولدانۋدى دەرەۋ توقتاتۋعا شاقىردى. ءوز سوزىندە ول گەرمانيانىڭ يزرايلمەن بىرگە ەكەنىن ايتتى.
تۇركيا پرەزيدەنتى رەجەپ ەردوعان جانە رەسەي سىرتقى ىستەر مينيسترلىگى ەكى تاراپتاردى سابىرعا شاقىردى.
ۇلىبريتانيانىڭ قورعانىس ءمينيسترى Twitter-دەگى پاراقشاسىندا:
"ۇلىبريتانيا حاماس-تىڭ يزرايل ازاماتتارىنا جان تۇرشىگەرلىك شابۋىلىن ءسوزسىز ايىپتايدى. ۇلىبريتانيا ءيزرايلدىڭ ءوزىن-ءوزى قورعاۋ قۇقىعىن ءاردايىم قولدايدى" ،- دەپ جازدى ۇلىبريتانيا قورعانىس ءمينيسترى دجەيمس كلەۆەرلي.
ۋكراينا پرەزيدەنتى ۆلاديمير زەلەنسكي قايتىس بولعان ازاماتتاردىڭ تۋىستارىنا كوڭىل ايتتى.
مەملەكەتتەر اراسىنداعى بۇل قاقتىعىس 76 جىل بويى جالعاسىپ كەلەدى.
