پرەزيدەنت قاسىم-جومارت توقاەۆ پارلامەنتتىڭ ەكى پالاتاسىنىڭ بىرلەسكەن وتىرىسىندا قازاقستان حالقىنا «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىن جاريالادى، دەپ حابارلايدى «ادىرنا» ءتىلشىسى.
وندا ول باسشىسى ءجۇز مىڭنان استام جاڭا IT-ماماندارىن دايارلاۋدى تاپسىرىپ، وقىتۋشىلاردى دايارلاۋ ءۇشىن مەملەكەتتىك بيۋدجەتتەن 1,2 ترلن تەڭگە بولىنەتىنىن ايتتى.
سونىمەن قاتار، 2025 جىلعا دەيىن ەلىمىزدە 1 مىڭ مەكتەپ سالۋدى الداعى مىندەت ەتىپ قويدى.
قر پرەزيدەنتى قاسىم-جومارت توقاەۆ: «ورتا ءبىلىم بەرۋ جۇيەسىندەگى تۇيتكىلدى ماسەلەنىڭ ءبىرى – مەكتەپتەگى ورىن تاپشىلىعى. قازىرگى ۋاقىتتا تاپشىلىق 225 مىڭ ورىندى قۇرايدى. بۇل ماسەلەگە قاتىستى شارۋانى بۇگىننەن باستاپ قولعا الماساق، وندا 2025 جىلعا قاراي مەكتەپتەگى ورىن تاپشىلىعى ءبىر ميلليونعا جەتۋى مۇمكىن. بۇعان دەيىن 2025 جىلدىڭ سوڭىنا دەيىن ەل بويىنشا 800 مەكتەپ سالۋدى تاپسىرسام، بۇگىن ول كورسەتكىشتى 1 مىڭعا جەتكىزۋ مىندەتىن قويامىن»،– دەدى.
مەملەكەت باشىسىنىڭ بۇل پارمەنى الماتى قالاسىندا قارقىندى جۇزەگە اسۋدا. بۇل تۋرالى شاھار باسشىسى المالى اۋدانىنىڭ تۇرعىندارىمەن كەزدەسۋ بارىسىن دا ايتىپ بەردى.
الماتى اكىمى ەربولات دوسەاۆ المالى اۋدانىنىڭ تۇرعىندارىمەن كەزدەسۋ كەزىندە ايماقتاعى ورتا ءبىلىم بەرۋ سالاسىندا وقۋشى ورىندارىنىڭ تاپشىلىعىن ازايتۋ جانە ءبىلىم بەرۋ وبەكتىلەرىن جوندەۋ بويىنشا جوسپارلى جۇمىس قالاي جۇرگىزىلىپ جاتىر دەگەن سۇراققا جاۋاپ بەرىپ ءوتتى.
شاھار باسشىسىنىڭ سوزىنە سەنسەك، بيىلعى جىلدىڭ باسىندا 2 مەكتەپتىڭ (№34 جانە 144 گيمنازيالار) 850 ورىندىق 2 قوسىمشا قۇرىلىسى پايدالانۋعا بەرىلدى.
بىرەر كۇننەن كەيىن، ناقتىلاساق، 10 قاراشادا قابانباي باتىر كوشەسىندە 850 ورىندىق «Prometheus school» جەكە مەنشىك مەكتەبى اشىلادى. № 15 گيمنازيانى سەيسميكالىق كۇشەيتە وتىرىپ، كۇردەلى جوندەۋ جۇمىستارى جۇرگىزىلۋدە، 2023 جىلدىڭ شىلدە ايىندا پايدالانۋعا بەرىلەدى.
«كەلەسى جىلدىڭ III-ءشى توقسانىنىڭ باسىندا №136 جانە 58 مەكتەپتىڭ عيماراتتارىن كۇردەلى جوندەۋدەن وتكىزىپ، سەيسميكالىق كۇشەيتۋ ءۇشىن جوبالاۋ-سمەتالىق قۇجاتتاما ازىرلەنەتىن بولادى»، – دەدى الماتى قالاسىنىڭ اكىمى ەربولات دوساەۆ.
