مادەنيەت جانە اقپارات ءمينيسترى ايدا بالاەۆا ءالي وقاپوۆتىڭ «قۇرمەت» وردەنىمەن ماراپاتتالۋىنا قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
«اناسىنىڭ تانىمالدىلىعىنا بايلانىستى كوپشىلىك ءالي وقاپوۆتىڭ شىعارماشىلىعىنا كۇمانمەن قارايدى. بىراق مەن كوپ جىلدار بويى جاس ونەرپازداردىڭ شىعارماشىلىق جولى مەن دامۋىن مۇقيات قاداعالاپ كەلەمىن. ءاليدىڭ دە اناسى سياقتى ناعىز ەڭبەكقور ەكەنىن ايتقىم كەلەدى. ول — ساحنا شەبەرى، ءوز كورەرمەنىنە ۇلكەن قۇرمەتپەن قارايتىن جوعارى ءبىلىمدى، تالانتتى ونەرپاز. ءالي دە روزا قۋانىشقىزى سياقتى پاتريوت. ءبىر ادامنىڭ بويىنان وسىنداي قاسيەتتەردىڭ تابىلۋى سيرەك كەزدەسەتىن جاعداي دەپ ويلايمىن»،– دەدى ول.
مينيستر مۋزىكانتتى ناعىز ەڭبەكقور ادامىنىڭ ۇلگىسى دەپ سانايتىنىن ايتتى. بالاەۆانىڭ پىكىرىنشە، ادال ەڭبەك ارقاشان جوعارى باعالانۋى ءتيىس.
«باعا بەرەر كەزدە ءارتىستىڭ شىققان تەگىنە قاراماي، ءادىل بولۋىمىز كەرەك. ءالي وقاپوۆتىڭ ماراپاتى جاستارىمىزعا ۇلگى بولىپ، ولاردى ىنتالاندىرادى»،—دەدى ايدا بالاەۆا.
ەسكە سالايىق، بۇعان دەيىن
ءالي وقاپوۆتىڭ جەلىدەگى سىننان كەيىن بارلىق ماراپاتىنان باس تارتاتىنىن ايتقان ەدى.
